Serokê Hevbendiya Niştimaniya Sûrî Hadî Elbehre tekez kir Ko :” keda aştîxwazan li Irsalê biber bû, û agirbesta 24 demjimaran hate ragihandin ji îro sibehê de dest pê kir, Têkoşer ber bi xaka Sûriyê ve vekişiyan û Xaça Sor derbasî Irsalê bû da Birîndaran derînin û alîkariyên hawarhatin û xwarinê pêşkêş bikin, bi mebesta ku ewlekarî û aştî vegere,û saxlemî û ewlekariya Penaberên Sûrî li bajarok bê parastina”.
Herweha Elbehre got: “Ew dê rewşê bişopîne di riya komîtekê ji xelkên Irsal û bi çavdêriya Desteya Zanyarên Musilmanan û bi amadebûna rêkxistinên navnetewî wek Xaça Sor . Bi mercê ku tu Çeteyên Libnanî yên Çekdar derbas nebin, û Hêzên Ewlekariya Navxweyî ew berpirsên vegera hêminî û aramiyê ne”.
Herweha Elbehre tekez kir ko:” Hevbendiyê kar kir ji bo saxlemî û ewlekariya Penaberên Sûrî li welatê Libnan yê bira dabîn bike her weha saxlemiya birayên me yên sivîl yên Libnanî li bajarokê Irsalê dabîn bibe”. Elbehre cardî tekez kir: “Hevbendiyê ji kêlîka pêşî de ji nêzîk ve û bi berdewamî rewşa Irsal dişopand” weha jî got” danûstandin rojane bûn digel rêkxistinên hawarhatinê û yên mirovî li bajar herweha Hevbendiyê digel çend Aliyên desthilata Libnanî û nûnerên perleman û saziyên Civakî danûstandin kir.
Elbehre da xuyakirin ko:” Ji roja yekem ve bi telefonê digel Wezîrê navxweyî yê Libnanê Nihad Elmeşnûq axivî da çareyan ji bo qeyrana Irsal bibînin, û da helwesta Desthilata Libnanî ji bûyerê nas bike û bi çend dewletên heval re axivî da fişarê bidin bi aliyê çareseriya mijarê û tê de saxlemî û ewlekariya Penaberên Sûrî û sivîlên Libnanî dabîn bikin.
Elbehre dîsa got: Min danûstandin bi Desteya Zanyarên Misilmanan re kir û wan jî pêşxerî bi damezirandina komîtekê kirin da çareseriyekê bibînin, ku ewlekariya Penaberan û sivîlên Libnanî dabîn bike, Komît ji çend Rêkxistinan ji wan (layif) ya mirovî û hinek çalakvanên Sûrî û nûnerên Tevgera Şoreşgerî pêk hat.
Elbehre got: Komît bi karên hêja rabû tev ko endamên wê ketin bin metirsiyê çimkî turumbêla wan rastî gulebaranekê hat û endamin ji wan birîndar bûn û yek ji wan birîna wî dijwar bû, Elbehre mixabiniya xwe da xuya kirin ko aliyin hebûn dixwestin ko karên çareseriyê têk bibin.
Elbehre hûrbînî da ser: ko çareseriya tek ya ku ewlekariya Libnan û Sûriyê dabîn bike ew e ko Hizbullah beşdariya xwe li kêleka Rêjîma Sûriyê di kuştaran de, û binpêkirina mafê mirovan û tawankariyên cengê di dermafê miletê Sûrî de dikin rawestîne. Û got : ji ber ko Hizbullah li gora berjewendiyine teng ji dewletin Herêmî re kar dike û ew şirîk e di Desthilata Libnanî de gerek beşdariya xwe digel Rêjîma Sûriyê rawestîne.
Herweha got: Hevbendî wek Nûnera rewa ye ji miletê Sûrî re dê tawankarên cengê yên ko di dermafê miletê Sûrî de ziyan kirine çi regezê wan be wê peyketina wan bike.
Di dawiya hevdîtinê de hêvî kir ko ewlkarî û aramî li Libnanê vegere, herweha tekez kir ko saxlemiya milet û xaka wê dixwaze û rawestandina li dijî rêkxistinên tirorist da aramî ji her du welatan re Sûriya û Libnan re pêk bê.
Herweha serokê Hevbendiyê got: Yarmetiyên lezgîn ji bo guhdana bi Birîndaran û pêdiviyên hawarhatinê û yên mirovî ji penaberên Sûrî re hatin terxan kirin, û hem jî danûstandin bi Dewletên piştgiriyê dikin ji bo avakirina Kampan ji Penaberan re dabîn bikin.
Elbehre sersaxî ji bo malbatên Şehîdan xwest û hêviya çareseriya Birîndaran kir.
Herweha Alayên Artêşa Azad yên li hundirê Sûriyê li Qelemûn pabendiya xwe bi saxlemî û aramiya Libnanê ragihandin û rêzgirtina sînor û red kirina wê ji çi karên leşkerî ko ziyanê bigihînin Libnan û serweriya wê, ku di agahnameyekê de doh belav kirin.
Jêder: Hevbendî
