Emîndarê Giştî yê Hevbendiya Niştimanî Sûrî Nesir Elherîrî dibîne ko “Kuştina Serperiştên Leşkerî û Siyasî yên Tevgera Ehrar Elşam Ya Islamî bizaveke ji bo çesipandina tundrewiyê û kuştina lihevkirinê li Herêmê. Bi taybetî ko ev Serperişt yên pêşeng bûn ko li ser Hevpeymana Rûmetê ya şoreşgerî ya ko guhertinek dîrokî bû di jiyana Leşkerî û Siyasî ji şoreşa Sûriyê re imze kirin.”
Di hevdîtina ko Nivîsgeha Ragihandinê digel Elherîrî kir got: “Eger tu bixwazî yê Kujer nasbikî divê tu li yê ko sûdemend bigere, û ev ji çi kesê hişmend nayê veşartin ko Beşar Elesed û dûvên wî yên ji dervî sûrî hatine ew bitenê sûdê ji bêdenkirina lihevkirinê ya dixwaze dewleta yasa û azadiyê ava bike werdigirin. Dengên rastiyê yê ko destên bêbextan doh ew tiror kirin, ew heman deng in yên ko Esed şerê wan dike ew dengên ko li meydanên bajarên Sûriyê civiyan û bi rûxandina Esed bang kirin. ”
Herweha Elherîrî got: “Çi dengê lihevkirinê û netund be di şoreşê de ew ne li gora siyaseta milî ya ko Rêjîm dide ser, û ya ko hebûna wî yî dîktatorî avedan dike. ”
çima heta nuha Esed rêkxistina Daişa tirorist amanc nake?wateyek tenê jêre heye, çimkî ew rêkxistin rêkxistineke ku rêjîmê karê wê destnîşan kiriye,û bi dawiya wî karî re ew jî bidawî dibe, ji ber wilo ev rêkxistin tu metirsiyê li ser Rêjîmê çê nake, lê berevajî, ew ji bercewendiya wî re kar dike.
Lê şerê Esed bi Artêşa Azad û hemû alayên şervan yên netudrew re, ji ber ko ew dengê Şoreşê ne û şerê wan şerê hebûn û nebûnê ye û gefên wan yekserin li hebûna Rêjîmê.”
Di dawiya hevdîtina xwe de Elherîrî gef li Rêjîmê xwarin û soz bi zêdebûna “dengê hişmendiyê û yê karîn û berdewamiyê” da û got: “Heta nuha Esed li ser tiştê li Sûriyê çê dibe xwe nebihîstî dike, wek ko şoreşa çend kesan e, lê belê ew şoreşeke gelî ye û hîç tifing û tang û mûşek nikarin di rûyê hêrsa wê de rawestin.”
Berî evan jî Ehmed Elxelef û Ebû Furat û Ebdulqadir Elsalih û Yasir Elebûd şehîd ketin û îro jî Hesan Ebûd û Ebû Telhet û Ebû Yezin û qencên din, koça xwe kirin… Lê belê Şoreş berdewam e û xwîna paqij di hustê me de deyn e, û milet her û her qehremanan dide û nebêber e, û Şoreşa ko ev serperişt dane dikare gelek yên wekî wan biafirîne.
Jêder: Hevbendî
