Berêz Nesir Elherîrî sekertêrê giştiyê Hevbendiya Niştimaniya Sûriyê, li ser tiştê ku tê serê penaberên sûrî li Libnanê, û bitaybetî kiryara vê dawiyê ya girûpeka artêşa libnanê li kampa penaberên Sûrî li Ersal, dazanîn ku:” destdirêjiyek xirab bû ne ligor reseniya artêşa Libnanê de, û wek van kiryaran nakevin di xizmeta aramî û hêminkirina baredoxan de, berovajî vê yekê rewşê aloztir dike ne bitenê li li Sûriya, herwiha li ser astê tevahiya deverê jî”. û got ku:” ev kiryar bi aweyekî berdewam hevdem tên ligel ziyan û şikestinên milêşiya Hizublaha terorîst li ser eniyên şer, û îro jî em dibînin ev riftarên çepel dubare dibin piştî pêşdaçûnên diyar yên artêşa azad li navçeya Qelemon, ku ev reftar bi hîç şêweyekî ne ji dûr û ne ji nêzîk xizmeta tenahî û asaya niştimanî û siyasî û herwiha xizmeta tenahiya komelgehan li devera rojhilata Erebî nake”. Tê zanîn ku daxuyaniya Hevbendiyê ya şermezarkirinê piştî kiryara girûpeka artêşa Libnanê li şeveqa îro derket, biserdegirtina kampa penaberên Sûrî yên li Ersal, û têde nêzîkî 200 kesî desteser kirin ” bi aweyekî hovane, bi behaneya hebûna hin xwestiyan ji bal artêşa Libnanê di hindur Kampa navborî de”. herwiha serbazên artêşê ” agir berdan xêvetan, û di encamê de zarokekî jiyana xwe jidest da û gelek penaber rastî bihinçikandinê bûn, ku piraniya wan jin û zarok bûn “. herwiha di daxuyanê de Elherîrî tekez kir ku:” heger mîlişiya Hiuzublah ji Sûriyê dernekevin û rêzê li vîna gelê Sûriya û Libnanê li gora deqa biryara 2178 ya navdewletî negirin, di wê demê de hemû hewlên hêminkirinê wê beravêtî bibin û heger bibin jî wê bêhûde û demkî bin. û dazanîn ku ” tiştekî suriştî ye, wek van kiryarên neberpirs nikarin qurbaniyên gelê Libnanê pêşkêş dike bo birayên xwe yên sûrî li ber çavan winda bikin, û em bawerin ku hizublaha terorîst ew li pişt van kiryaran disekine, bo belavkirina cidakirinên civakî ya ku wek stratîjeyekê bikar tîne bo xurtkirina hêza xwe ya roj bi roj rastî şikestin û tinebûnê dibe”. û li dawiyê Elherîrî sersaxî û behiya binemala zarokê şehîbûyî kir û daxwaz ji hikûmeta Libnanê kir ji bo ” rawestandina van destdirêjiyan li hember penaberên sûrî, û herwiha daxwaza azadkirina girtiyan û vekirina lêpirsîn û encamdana lêkolînan kir li hember van destdirêjiyên berdewam û kesên berpirsyar di ber van destdirêjiyan bên dadkirin,da carek din ev kiryar dubare nebin”.
Jêder: Hevbendî
