Daxuyaniyeke Rojnamevanî
Destpêkirina rahênan û pirçekirinê ya li gor rêkeftina Tirkî-Amerîkî wek gavek giring tête pejirandin, û sûde jê tête dîtin ji bo pêşxistina şiyan û karînên artêşa Azad, nemaze ku ev bername hevdem tê di çarçoveya amadekirina çekdarên pêkhatî de ji bo berevaniya gelê Sûriyê di rûbirûbûna heryek ji terora rêjîma Esed û destdirêjî û dijminkariyên rêxistina DAIŞê de.
Hevdem em balê dikşînin li ser daxuyaniya wezîrê derve yê Tirkiyê yê pêştir dema gotiye, ev rêkeftin hatî emzekirin di navbera Amerîka û Tirkiyê de ji bona rahênana çekdarên Sûriyê; bi armanca çêkirina guhertinek Siyasî rasteqîne li ser bingeha daxuyaniya Jinêvê, û dîsa jibo bihêzkirina şoreşgeran di dijberiya teror û tundrewiyê de û di rûbirûbûna hemû aliyên dibin gef û metirsî li ser miletê Sûriyê û di nav wan de rêjîma Esed bi xwe jî, û herwiha ji bona pêşxistina şiyan û karînên şoreşgeran.
Niha û di dema rewşa Sûriyê ber bi rizgarkirinê ve diçee, Hevbendî tekez dike ku pêwîst e hemû şêweyên danpêdanê bi rêjîmê bêne kişandin herçende ku wê dad û rewayî bi sedema tawankariyan jidest daye, û pêwîste piştgiriya bizavên pêkanîn û amadekariyên veguhestina siyasî ya giştgîr bêne kirin, ku dawiyê li dojeha mirinê bîne û dergeh li pêş dubare-avakirina Sûriyê û veguhestina wê bo dewleteke ku hêvî û daxwazên Sûriyan bitevayî bicih bîne vebin.
Hîşam Merwa
Cêgirê Serokê Hevbendiya Niştimanî Ya Hêzên Şoreş Û Rikberiya Sûriyê
08 Gulana 2015
