Cîgirê Serokê Hevbendiya Niştimanî Sûrî Hîşam Merwa ji acansa Frans Press re got “Em li hêviya Dî Mistora bûn ko me vexwendî Goftugoyan bike, lê me dît tenê ew rawêj in bê ti giringî ne, di heman çaxê ku Şoreşger serkefinên meydanî yên giring pêk tînin”.
Merwa bêtir got: “vexwendina Îranê ji bo beşdarbûnê, rewş aloztir kir ,û ew arîşeya me ya sereke bû bi Dîmistora re”.
Merwa rexne li karê Dîmistora kir nemaze” piştî vexwendina 40 alî ji opozisyon û hunermendan û rêkxistinên civaka sivîl û navendên vekolînan ji bo di rawêjên Civînê de beşdar bibin”.
Cîgirê Serokê Hevbendiyê destnîşan kir ku “ji me re diyar bûye ku şêweyê karê wî ne cihê dilrihetiya me ye, ji ber ku di danûstandinên wî bi Hevbendî û Oposizyonê re, li ti çareseriya birastî nagere, tev ko pirinsîbên Cinêva 1 xuya ne”.
Hevbendiyê biryar da ku Serokê komîta Yasayî Heysem Elmalih, hatiye erkdarkirin ji bo helwesta Hevbendiyê ji Şandyarê Navdewletî re derbarê cîbicîkirina daxuyaniya Cinêvê û prosesa veguhêz li Sûriyê şirove bike.
Hevbendiyê biryar da ko Elmalih wê du peyaman radestî Dî Mistora û Emîndarê Giştî yê Netewên Yekbûyî Ban Kî Mon bike. Her wiha belgehên ko pêkhateyên opozisyona Sûrî li ser lihev kirine yên girêdayî mijara çareseriya siyasî li Sûriyê radestî Şandyarê Navdewletî bike.
Merwa anî ziman ko name”nêrîna me ji çareseriya siyasî re ye, û têbîniyên me li ser karê Dîmistora ne, herweha me karên şanderên berî wî pêk anîne diyar kirine“.
Jêder: Hevbendî
