Daxuyaniyeke Rojnamevanî
Dîsa Rêjîma Esed biryara Encûmena Ewlekariyê hejmara 2118 ya ko Çekên Kîmawî û gaza kilor qedexe dike binpê kir. doh Hêzên Rêjîmê bakurê Elresten li Gundewarê Hums amanc kir û gazên kîmawî yên ta nuha nehatine naskirin bikar anîn. Di encamê de pênc Şoreşger şehîd ketin, û bi dehan şervan û tîmên bijîşkî birîndar bûn, ev bumbebarana kîmawî hevdem bû bi êrîşên asmanî yên taxên niştecihan li bajêr bombebaran kirin.
Hevbendiya Niştimanî Sûrî dîsa bikaranîna Çekên Kîmawî protesto dike. Hem jî dibêje ko gerek ev nûçe bi hûrbînî li wan bête guhdarî kirin û vekolîn di bikaranîna Çekên Kîmawî û gazên jehrdar de bibe. Ev binpêkirina biryara Encûmena Ewlekariyê ye û hem jî têkbirina Peymana Cinêv e, bi taybetî ko digel wan de jî êrîşên asmanî yên sivîlan amanc dikin pêk tînin.
Hevbendiya Niştimanî doza kartêkirina bilez ji biryara Encûmena Ewlekariyê re hejmara 2235 dike ,ya ko tê de vekolîneke hevbeş tê xwestin , da berpirsên ko çekên kîmawî li Sûriyê bikar anîne bêne diyarkirin. Hem jî Hevbendiyê tekez kir ko parastina sivîlan ji tawankariyên Rêjîma Esed berpirsiyariyeke navdewletî ye hem jî bi hêvî ye ko dûmahiyek ji bobelata zehmetkêşana Gelê Sûrî re hebe, û çareseriyeke siyasî jê re bê dîtin.
Nivîsgeha Ragihandinê
Hevbendiya Niştimanî ya hêzên Şoreşê û hevrikiya Sûriyê
30.Tebax.2015
