Piştî ku alavên ragihandinê danustendin bi awayekî xurt li ser pirsgirêka vegera Pêşmergeyên Sûrî bo welat kirin, herweha ji ber gelek xelk dibînin vegera Pêşmergeyan wê hêviyê vegerîne deverên Kurdî.
ji bo rawestana li ser vê mijarê û herweha mijara pêkanîna Encumena Leşkerî a nû ji aliyê hevbendiyê ve, beşê kurdî di malpera Hevbendiyê de, ev havpeyvîna taybet bi Şelal Gedo re endamê komîta çavdêr li ser pêkanîna Encumena Leşkerî a Nû di Hevbendiya Niştimanî Sûrî de kir.
– Çi rastiya nûçeya li ser zimanê berpirsê têkiliyên derve ê Partiya Dimuqratî Kurdistanî Hêmin Horamî heye, li ser vegera hêzên pêşmerge ên ku wê herin deverên Kurdî Li Sûryayê?
ji mafê hêzên Pêşmegeyên Kurd ên Sûrî ye ku vegerin welatê xwe bo berevaniyê di ber xak û milletê xwe de bikin, ji ber ev hêz ji xort û keçên Kurd pêk tê, pirê wan ji Artêşa Rejîmê, tekane yan di girupan de, di demin li pê hev ji temenê şoreşa Sûrî veqetiyane, û çûne Herêma Krdistana Iraqê, li ser destê wezareta Pêşmerge perwerde bûne, da beşdariyê di berevaniya di ber hebûna millletê Kurd de bikin ku vê demê di metirsiyeke rastîn de ye.
– We, mîna Encumena Niştimanî Kurdî ev hêz bi xwe ve girêda, gello di rojekê de wan hêzan yan hindekan ji serkirdeyên wan ragihandine ku ew bi rêbaza siyasî ya Encumenê re ne yan ew bi Encumenê ve girêdayî ne?
Bê guman hemû endamên van hêzan ji endam, kadir, dost, û laygirên pêkhatiyên Encumena Niştimanî Kurdî ne, lê tevlî wilo jî girêdana wan bi welat ve, ne bi vê partiyê û ya dî ve ye, û ew mîna saziyên Encumen yên dî, beşek e nayê cudakirin ji Encumena Niştimanî Kurdî, lewre em di vî warî de ne hewcedarî daxuyaniyên ji serkirdeyên wan yên leşkerî ne.
– Encumena Niştimanî Kurdî Hêzên Pêşmerge yên ku li Kurdistana Iraqê perwerde bûne bi xwe ve girêdan, em dikarin nas bikin bê çi hêzên li hindirê Sûryayê hene?
Ji destpêka şoreşa Sûrî ve, gelek ketîbeyên çekdar ku bi Encumena Niştimanî Kurdî ve girêdayî bûn hebûn, li hemû deverên Kurdî, û di nav de Heleb jî çalak bûn, lê hêzên ku bi Partiya Yekîtiya Dimuqratî ve (PYD) girêdayî bûn, û dest danîna ser hemû deverên Kurdî di demin li pey hev de, hebûna van ketîbeyan tune kir, û hemû endamên wan derketin derveyî sînor.
– Gello Hêza Pêşmerge erkdar e bi parastina ewlehiyê li deverên Kurdî , yan wê bikevin “Devera Aram” ku gelek axaftin li ser pêkanîna wê hene?
Hêza Pêşmergeyên Kurdî hêzeke Sûrî ye, û Sûrya hîn yek dewlet e, lewre ne dûr e ku beşek ji van hêzan bo parastina vê deverê yan ya dî be,wê li gor awa û lihevkirinên destnîşankirî were teklîfkirin, ev mijar wê ji desteyên pispor, xwediyên biryar û têkiliyê di vî warî de bê hiştin.
-Tu çi di derbarê pêkanîna Encumena Leşkerî a Nû de dibêjî, hûn di vî warî de gihiştin ku? Wê kengî were ragihandin?
Komîta çavdêriyê ku ji hêla Desteya Giştî a Hevbendiyê ve bo pêkanîna Encumena Leşkerî a Nû hatiye teklîfkirin, nêzîkî tilîdanînên dawî li ser awa, şêwaz, û pîvanên pêkanîna serkirdeya leşkerî a bilind dibe, û ew di têkiliyên bi hemû ketîbeyên leşkerî li ser erdê, herweha bi mektebên siyasî ên komên Sûrî ên çekdar re ku şerê rejîm û hevalbendên wê dikin berdewam e.
-Gello nêta komîtê heye ku têkiliyê bi serkirdeyên hêzên Pêşmerge re bike?
Erê, ew bi nêt e, ewê di demek nêzîk de, serdana Herêma Kurdistana Iraqê bike, bo hevdîtinê bi serkirdeyên siyasî û leşkerî ên hêzên Pêşmergeyên Kurdê Sûrî re bike, û li nerîn û pêşinyarên wan derbarê Encumena Leşkerî a nû ku wê nêzîk pêk were guhdar bikin.
– Hate Ragihandin ku nêta hindek berpirsyar di Ewlehiya Netewî Emirêkî de heye ku hindek serastkirin li bernameya wezaretê zêde bikin, bo perwerdekirina Hevrikên Sûrî ê netundrew û biçekirina wan, herweha ihtimal heye ku hêzên Pêşmergeyên Kurdî jî tev li wan bibin. Çi rastiya van Nûçeyan e?
Helbet, wê berpirsên Ewlehiya Netewî Emirîkî hindek serastkitinan bikin, heye ku hinek ji wan jikokde bin, li ser bernameya Wezaretê, bo perwerdekirina Hevrikiya Sûrî a çekdar ya Netundrew, piştî ku bernameya yekem têk çû. Gelek nîşan hene didin xuyakirin ku wê hêzên Kurdî beşek ji vê operasyon yan pirogramê bin.
