Endamê Hevbendiya Niştimanî ya Hêzên Şoreş û Rikberiya Sûriyê yê ramangîr Burhan Xelûn, tekez kir ku şanderê navdewletî Stîvan Dî Mistura Kongerya Cenêvê bêwate dike dema ku wê dike gengeşeyên bê danûstendin.
Xelûn got:” Diyar e, mebest ne danûstandin di navbera opozisyon û rêjêmekê de ye li ser armancek destnîşankirî, lê mebest jê avakirina dîdargeheke Sûrî ye, bi serpereştiya şanderê navdewletî, û armanca wê bêwatekirina doza sereke ye, ya cezakirina rêjîmê û veguhestineke demoqratîk, û guhertina wê ber bi gotûbêj û gengeşeyên ku dawî lê nayên, derbarê her tiştê ku ji Sûriyan re pêwîst be, bê cêwazî “.
Xelyûn weha jî got:”Armanc tenê zelalkirina xalan e ji Dî Mistura re, yên ku wê li gor pîvanên fişarên navdewletî bi rengekî nû wan binivîse, berya pêşkêşkirina wan ji Encumena Ewlekariyê re,” û da zanîn ku rêberê tekane ji karê Dî Mistura re, ew herçar xalên ku Îraniyan pêşinyar kirine, da ku rêjîma Esed û desthilata xwe li Sûriyê biparêze”.
Xelûn got:” Giftûgoyên nefermî yên ku wê Dî Mistura li Cinêvê di navbera kesayetî û şandên nayên çarçovekirin de çêbike, wê texmîn bikin ku pirsgirêk ne di rêjîmê de ye, lê li cam Sûriyan bi xwe ye. Û ti carî rêjîm rizgar nabe bêyî têgihiştina di nava Sûriyan de. Û wê ev yek ne tenê rêjîmê ji berpirsyaretiya wê derbarê vê kirîza ku siyasetên wê yên xwîndar welat gihandiyê bêsûnc bike, Lê ewê bibe alava rizgarkirinê ji civakeke perçekirî re ji ber ku ew nûnerê dewletê tê naskirin, herwiha Tehran dê bibe xwedana yekrêziya Sûriyê, û ew bi xwe bombeya ku ew yekîtî ruxandiye”.
Xelûn weha jî got:”Niha em di dema berovajîkirina tiştan de dijîn, bi diyarkirina tawanbar wek kesekî bêguneh û kesê qurbanî wek sitemkarekî, ji encama axaftinên vir û derew û şahîk, derbarê çareseriya siyasî û aştî û lihevhatinê”.
Herwiha Cîgirê Serokê Hevbendiya Niştîmanî Hîşam Merwa tekez kir ku gotgotên Rûsya derbarê hebûna “terorîstan” di nava şanda danûstendinan ya opozisyonê de, armanc jê ew e têkdana baweriya bi şandeyê û rastgoya wê, û Rûsya bi mebest astengiyan ji operasyona siyasî re çê dike, lê di heman demê de behsa şanda rêjîmê nekirine”.
Merwa da zanîn ku fotbol di yerîgeha rêjîmê û hevalbendên wê û Dî Mistura de ye, û ji şanderê nîvdewletî tê xwestin ku fişarê li wan bike da pabend bin bi belgenameyên ku li ser îmze kirine, û ev yek piçûktirîn erkê Dî Mistura ye wek navbênkar ji operasyona danûstendinan re wek şanderekî navdewletî”, Merwa tekez kir” Reva ji karûbar û erkên belgenameya Cinêvê, û biryarên navdewletî yên peywendîdar, nikare çareseriyekê ji kirîza welatê me yê birîndar e bîne”.
Jêder:Hevbendî
