Daxuyaniyeke Rojnamevanî
Di bîra her şoreşgerekî de, bidehên wêneyên ku ji bîr naçin, ên heyvên pêşîn ên Şoreşê hene, ku têde wateya ramana azadiyê bi xwe naskir, îro û tevî binpêkirinên rêjîma Esed û dagîrkariya Rûsiya ji rêkeftina agirbestê re, xelkê Sûriyê piştî kêmbûna kiryarên bombebarankirinê carek din sozên xwe bi armancên şoreşê re nû kirin, û tekez kirin ku hêjî şoreş berdewam e.
Ji ew xwepêşendanên di dema heftiya bûrî de derketin, nameyeke bi hemû zimanan tê têgihiştin, ku pêwîstiya wê bi hîç rave û şirovekirinê nîne, bi wî zimanî ye yê ku ala şoreşa Sûriyê wergerand, ew ala dirêj ya ji Der’a heta Helebê wek tekeziyek bêgoman li ser pêgiriya xelkê Sûriyê bi vê alê, ya ku nûneratiya daxwazên wan dike û ji bona qelenê wê nirxek giran dan, da ew al carek din bilind bibe, bi baweriya wan ku ev al rengvedanê ji daxwazên wan yên rewa dike, û nexşeriya azadî û rizgariyê ye ji hemû awayên stem û zordestiyê.
Hîna gelê Sûriyê bi sûrbûn û deyax û vîna xwe, cîhanê matmayî dike, ku hêjî hin nikarin di wê rastiyê têbigihên ku gelê Sûriyê naşike, û wê bimîne berdewam heta bidestxistina azadiya xwe û avakirina welatekî biqasî qurbaniyên hatîn dan.
Em di Hevbendiya Niştimanî de destxweşiyê li sûrbûn û xweragirî û xurtiya vîna miletê Sûriyê yê hêja dikin, yê ku dihêle em erk û bizavên xwe duqat bikin, da ku em hêja bin asta nûneratiya wî, û dubare em sozên xwe nû dikin bo timamkirina vê şoreşê heta bidestxistina daxwazên wê di azadî û rûmet û dadperweriyê de.
Dilovanî ji şehîdan re, saxî ji birîndaran re, azadî ji girtiyan re.
Bijî Sûriya û gelê wê bi azadî û serbilindî
Hevbendiya Niştimanî Ya Hêzên Şoreş Û Rikberiya Sûriyê
06 Adar 2016
