Daxuyaniyeke Rojnamevanî
Di van rojan de yekemîn sal li ser bîranîna komelkujiya Kobanê derbas dibe, ya ji aliyê rêxistina DAÎŞ a terorîst li dijî xelkê Kobanê hat pêkanîn, ku têde 252 kes hatin şehîdkirn û 267 kes hatin birîndarkirin, ku piraniya wan jin û zarok û kalemêr bûn, ku rêxistina terorîst bi kîneke hovane ev komelkujî pêk anî, wek tolvedanekê û ji bona veşartina şikestinên xwe.
Di dema ku em vê komelkujiya hovane li dijî kesên bêguneh li bîr tînin, hevdem em ji civaka navdewletî dixwazin ku bi erk û berpirsyaretiyên xwe yên rewştî û zagonî bi rêka pêdagiriya piransîpên mirovî yên li ser binyatên dad û azadiyê rabe, û piştgiriya tekoşîna gelê Sûriyê bikin li hember zordarê Şamê û darudestekên wî û rêxistinên tundrew yên bi fermana wî şerê milet dikin.
Hevbendî ji aliyên pêwendîdar û ji rêxistinên mafnas li hindur û derveyî welêt, daxwaza eşkerekirina hemû aliyên vê komkujiya hovane dike, û başkirina hemû encamder û berpirsên wê û aliyên li pişt disekinin, ew alî kî be bila bibe.
Em xelkê Sûriyê bi giştî û xelkê bajarê Kobanê bi taybetî agehdar dikin ku pêwîst e hişyar bin , ji tirsa dubarekirina wek van komelkujiyan, û herwiha tekeziyê li ser giringiya hevgirtin û hevrêziya wan dikin ji bona carek din komelkujiyên bi vî hawî dubare nebin.
Û dîsa li bîra civaka navdewletî tînin ku rêjîma Esed hêjî yekem piştgirê terorê û terorîstên li Sûriyê ye, û ji hêzên navdewletî tê xwestin ku pêgavên wêrek û diyar bavêjin, ji bona pêşvebirina piroseya siyasî bi rêka cêbicêkirina xalên daxuyaniya Jinêv1 û biryarên NY yên pêwendîdar, da xelkê Sûriyê ji rêjîma Esed û hemû rêxistinên terorîst yên wê derbas kirine rizgar bibin.
Hevbendî tekez dike ku her bîranînek ji bîranînên şoreşê, dibin derfetên nû, ku têde rê û rêbaz bêne rastkirin û soz û peyman bi piransîpên şoreşê û rewşt û armancên wê re nû bikin ji bona azadiyê û rûmet û rûxandina stemkariyê.
Rehma xwedê li şehîdan be,
Saxî ji birîndaran re,
Azadî ji girtiyan re,
Bijî Sûriya û gelê wê bi azadî û serbilindî
Hevbendiya Niştimanî Ya Hêzên Şoreş Û Rikberiya Sûriyê
23 cehzeran 2016