Endamê Desteya Siyasî ya Hevbendiya Niştimanî ya Hêzên Şoreşê û Rikberiya Sûriyê, Uqab Yihya, tekez kir ko Rêjîma Esed ji demjimêrên pêşî yên cîbicîkirina agirbestê ve binpêkirin kirin, û heta ko ew parastiye ji hêla Encûmena Ewlekariyê ve an ji Emerîka sponsera agirbestê, wê ew û hevalbendên xwe di binpêkirina agirbestê de berdewam bin.
Yihya got ku giring e mîkanîzmên çavdêriyê yên diyar peyda bibin, ta aliyên ko binpêkirinan dikin diyar bikin, û divê kesên bêalî vê çavdêriyê bikin, û Rûsî ne di nav de bin, ji ber ko ew jî bi rêjîma Beşar re şirîk in, û bi operasiyonên bombebarandinê radibin, an jî sîwanekê didin ser, û qet nabe ko ew wek bêalî bên dîtin.
Komîta Sûrî ya mafê Mirovan kuştina 129 kesan di rojên cejna qurbanê de ji (12-15) di vê mehê de belgeh kirin, ya ko di heman dema peymana agirbestê ya di navbera Rûsya û Emerîka de bû.
Hêzên Rêjîma Esed û Firokên Rûsî 78 sivîl bi binpêkirina agirbestê û bombebarandinê kuştin, her wiha 24 kes ji encama şer jiyana xwe ji dest dan, û rêkxistina Daiş jî 23 kes kuştin.
Mezintirîn hejmara qurbaniyan di Roja yekê ji Cejna Qurbanê de bû, çimkî ew roj ne di agirbestê de bû, êvara wê li Dêra zorê 52 kes şehîd ketin di pey re Idlib 26 şehîd, Gundewarê Şamê 17 şehîd, Dera 16 şehîd, Heleb 12 şehîd, Hums 4 şehîd û şehîdek li Hemayê .
Doh Emerîka û Rûsya li ser dirêjkirina agirbestê dema 48 demjimêrên din lihev kirin, tev ko Rêjîma Esed û hevalbendên wê 130 caran di çar rojên buhûrî de agirbest binpê kirin.
Jêder: Hevbendî
