Firokên rijêma Esed rabûn bi pêkanîna kuştareka hovane li dijî xelkê taxa “Bab Elneyreb” li Helebê û têde 25 şehîd ketin ku piraniya wan jin û zarok bûn, di dema ku ji Helebê derdiketin ji tirsa bombebarankirina hovane ya berdewam ji 14 rojan ve.
Bergiriya bajêrvaniyê Sûriyê got ku firokên şer yên Rijêmê rabûn bi armanckirina xelkê taxê dema bi meş diçûn ber bi navçeyên rojavayê Helebê yên di destê Rijêmê de.
Duhî roja duşemê û berdevkê wezareta derve ya Amerîka Con Kêrbî, di kongirê xwe yê rojnamevanî de berpirsyaretiya mezin ya kiryarên rijêma Esed li dijî Sivîlên Sûriyê xist di stûyê Rûsiya de.
Kêrbî got: ” bandorek Rûsiya ya mezin li ser Esed heye, û di dema berê de û dema dixwestin vê bandorê bikar bibînin ji bo pêkanîna encamên erênî, dikarîn bikin”, wek amajeyek bi rola Rûsiya û bandora li ser Esed ji bo radestkirina çekên xwe yên kêmyayî piştî pêkanîna komelkujiyekî berî du salan di derheqê xelkê Xûta rojhilat de ku têde zêdetir ji 1200 hatin kuştin ku bi piranî jin û zarok bûn.
Û duhî ji Nivîsîngeha Ragihandina Hevbendiya Niştimaniya Sûriyê, hin vîdiyo hatin belavkirin û têde êrîşên firokên Rûsiya û encamdana tawanên şer yên nû li rojavayê Helebê diyar dibin, li paş armanckirin û wêrankirina bi temamî ji hejmarek kargehan re di 15’ê çirya pêşîn de, ku ji aliyê wezareta bergiriya Rûsiya parçevîdiyoyek hatibû belavkirin, û têde gotibû ku wê wargehekî terorîstan armanc kiriye.
Ku komgeha kerxaneyan ji sê kerxaneyan pêk dihat yek ya çêkirina xîvetên koçberan û du karxaneyên din yên ji bo çêkirina pêdawîstiyên dermanan , li navçeya Atrab ya rojavayê Helebê li ser riya “Kefrnoran” li hola “Elbeyt Elrîfî” bûn.
Ku her ji 15’ê çirya pêşîn ve, Rûsiya û rijêma Esed radibin bi xurtkirina oparesyonên xwe li ser navendên pizîşkî û yên zindîwerî û komelgehên nişteciyan, ku ev oparesyon bûne sedema jikarketina gelek ji wan navendan û ketina nêzîkî 500 şehîd û zêdetir ji 1600 birîndarî.
Jêder: Nivîsîngeha Ragihandina Hevbendiya Niştimaniya Sûriyê
