Ji encama êrîşên firokên cengê yên hêzên rêjîmê yên doh duşembê şeş êrîşên asmanî dane ser taxa Elwer a dorpêçkirî li Humsê û xaniyên niştecihan amanc kirine, bi dehên kesan tevlî zarokan birîndar bûne.
Çalakvanan ji hindirê taxa Elwer ya dorpêçkirî li bajarê Humsê diyar kirin ko bombebaran çêbû piştî hevdîtinekê di nav komîteke bi navê xelkê diaxivî û leşkerên Rûsî li firneya alavî ya li rex taxê. Destnîşan kirin ko civîn bidawî bû bêyî ko Rûs “çi garantoyên rawestana bombebarankirinê ji hêla rêjîmê û milîtanên bi ser ve bidin”.
Rûsya hewil dide ko aliyekî dabînker be piştî ko peymana agirbestê imze kiriye ya ko di 31 çileyên paşî de dest bi cîbicîkirinê kiriye. Berpirsiyarekî Hevbendiya Niştimanî ya Hêzên Şoreşê û Rikberiya Sûriyê, û Rûsya tawanbar kir ew ne li gor sozên xwe ye, û berpirsiyariya tawanên ko di derheqê miletê Sûrî de pêktên da ser mile wê.
Endamê desteya siyasî ya Hevbendiya Niştimanî Yasir Elferhan (di heyva çileyê paşî yê vê salê de) gotibû: “berpirsiyariya nehêlana çêbûna binpêkirinan li ser mile Mosko ye, ji ber ew aliyê dabînkar e di ber rêjîmê de”.
Firokên rêjîmê berî civînê 12 êrîş dane di encamê de du kes hatin kuştin û 17 birîndar bûne.
Rêjîma Beşar ji sibata buhûrî de êrîşên xwe li ser taxa Elwer pir kirine, û avahî amanc kirine û bûye sedma ku hin kesên sivîl bûne qurbanî.
Niştecihên taxê derdê kêmbûna derman û heyberên dermankirina zû, û buhabûna şîrê zaroksn dikêşînin, bi sedema dorpêça ji hêla rêbendên hêzên Esed li ser hatiye ferizkirin. Hêzên Esed nehiştin kesên pêdiviya wan bi çareserkirinê li cihên din an derveyî taxê heye derkevin, her weha hêzên rêjîmê nehiştin karwanên alîkariyên mirovî demek berî nuha derbasî taxa Elwer û gef bi amanckirina wan da eger hewil bidin derbas bibin.
Jêder: Nivîsgeha Ragihandinê ya Hevbendiya Niştimanî
