Berpirsiyarekî Hevbendiya Niştimanî ya Hêzên Şoreşê û Rikberiya Sûriyê tekez kir ko Istiratîciya Yekîtiya Ewropî ya nû bibal Sûriyê ve dê bandoreke baş li ser operasiyona çareserkirina siyasî bike ya ko jê tê xwestin derdê miletê Sûrî bidawî bike.
Razgirê Desteya siyasî yê Hevbendiya Niştimanî Riyad Elhesen got ko Istiratîciya Yekîtiya Ewropî hat piştî gelek hevdîtinan di çend mehan de digel nûnerên Hevbendiya Niştimanî û Desthilata demkî û nûnerên Yekîtiya Ewropî li Biroksilê paytexta Belcîka û li Istanbul û Xazî Entabê.
Elhesen diyar kir ko civîn bi beşdariya Encûmenên xwecihî û Yekîneya Hevrêzkariya Piştgiriyê û rêkxistinên civaka sivîl çêbûne, û destnîşan kir ko dîtineke tekûz hat pêşkêşkirin li ser birêveberiya herêmên rizgarkirî her weha li ser herêmên di bin kontrola rêjîmê de yên ko opozisyon dikare bigihêje wan û xizmetan ji niştecihên wan re pêşkêş bike.
Razgirê Hevbendiyê diyar kir ko çend pirojeyên giring ji jiyana xelkê re yên ko ji hêla Yekîtiya Ewropî hatin piştgirîkirin û wê alîkariyê di aramî û geşpêdanê de bikin hene.
Malpera Yekîtiya Ewropî istiratîciya nû bibal Sûriyê ve destpêka meha nîsanê belav kir û ew şeş xal in û ya pêşî guhdana misogerkirina veguhastina siyasî ya dirist e ya li gora biryara 2254 hem jî piştgiriya opozisyonê û bi taybetî Desteya bala ya danûstandinan ya ko Yekîtiya Ewropî dibîne nûnerîtiya şanda opozisyonê li Cinêvê dike.
Her weha parastina jiyana mirovên Sûrî bi dabînkirina pêdawîstiyên jiyanê, û wê ev kar ji alîkariya mirovên herî hewcedar dest pê bike, bi şêweyek çalak û li gor piransîban, û handan û geşkirina dîmuqratiyê û mafê mirovan û azadiya derbirrînê di rêka bihêzkirina rêkxistinên civaka sivîl ya Sûrî re.
Li gora li ser malperê hatiye belavkirin, Istiratîcî tekez dike ko dê lêpirsînê li ser tawankariyên cengê bike, û birêvebirina operasiyona lihevhatina niştimanî û dadiya veguhêz bihêztir bike, hem jî piştgiriya xweragiriya niştecihên Sûrî û civaka sivîl bikin.
Jêder: Nivîsgeha Ragihandinê ya Hevbendiya Niştimanî
