Fadil Ebdulxenî rêveberê Tora Sûrî ya mafên mirov, got ku “nameya Rijêmê û hevalbendên wê ji armanckirina nexweşxaneyan xuyaye, ew ji xelkê re dibêje yan hûnê koçber bibin yan hûnê bimirin”, û got ku “Rêjim dixwaze bihêle ku kesek nema karibe li navçeyên opozisyonê bijî, da xelkê naçerî koçberbûnê bike “.
Û armanc ji siyaseta armanckirina nexweşxane û êrîşên kêmyayî yên hêzên Esed û êrîşên firokên Rûsiya li ser navendên saxlemiyê bi awayekî serekî ji bo belavkirina tirs û bêzariyê di nav xelkê de ye.
Hêjayê gotinê ye ku hin raporên meydiyayî amaje kiribûn ku nexweşxaneya ” Mixaret Elrehemê” li Xanşîxon ku pêncemîn nexweşxaneya hatibû armanckirin û wêrankirin bû bi êrîşên esmanî berî kêmtir ji deh rojan ji kêmiyabarankirina navçeya di navbera başûrê Idlibê û gundewarê bakurê Hemayê de.
Herwiha ku li 25’ê heyva adarê, nexweşxaneya Elletaminê li gundewarê Hema rastî êrîşîke esmanî bi bermîlên teqîner hatibû û ligor ragihandina pizîşkên bêsînor ku bibû sedema jikarketina nexweşxaneyê ji xizmetê.
Li aliyek din nexweşxaneya Kefirnibil rasterast rastî çar êrîşên esmanî hatibû ji aliyê firikên Rûsiya û bûn sedema jikarketina wê.
Û navenda pizîşkî ya li bajarokê Kefirnibûdê li 28’ê adarê hatibû armanckirin û jikar ketibû, herwiha nexweşxaneya niştimanî li bajarê Mi’eret Elini’hman bi şeş mûşekên dengî hatibû bombebarankirin û mûşekek li banê nexweşxaneyê ketibû û bi carekî nexweşxane wêran bû.
Tê zanîn ku 86 êrîş bi destê hêzên Rijêmê û Rûsiya li ser navendên zindî li heyva adarê ji aliyê tora Sûrî ya mafên mirov hatibûn dîkomîntkirin, di nav wan de li ser 13 nexweşxane û navendên pizîşkî û tevî bombebarankirina sê ambûlansan.
Û di serjimêrekiyê de ku hatibû di rapora destpêkî ya Berevaniya Sivîl A Sûrî de, armanckirina 14 nexweşxane û navendên pizîşkî li heyva nîsanê hatibû, ku nexweşxaneya Mi’eret Elni’hman yekemîn nexweşxane hatibû armanckirin bê ketina hîç ziyanên mirovî û dumahîk nexweşxaneya Elcamiha bû li gundewarê başûrê Idibê li 27’ê nîsanê hatibû armanckirin.
Ji aliyê xwe ve, rêveberê saxlemiya Idlibê yê berê Minzir Elxelîl gotibû ku li heyvên bûrî 40 nexweşxane ji nav 45 nexweşxaneyên xizmetkar li parêzgeha Idlibê rasterast bi êrîşên esmanî hatine armanckirin.
Jêder: Ofîsa Ragihandina Hevbendiya Niştimanî – Elheyat
