Serokê Hevbendiya Niştimanî ya Sûrî, D. Nesir Elherîrî, civînek ji dûrve li gel Nûnera Holenda di Netewên Yekbûyî de,Yucca Brandt, lidar xist, û pêre behsa dawîtirîn pêşhatên meydanî û siyasî li Sûriyê kir, ev kar jî li rex civatên Giştî yên Netewên Yekbûyî ya gera 75an de tê.
Û di Hevdîtinê de Hevrêzkarê Ofîsa Têkliyên Derve di Hevbendiya Niştimanî de Ebdulehed Istêfo, û Endama Desteya Giştî, Dîma Mosa, û Nûnera Hevbendiya Niştimanî li bal Netewên Yekbûyê, Meryem Çelebî, û Nûnerê Hevbendiya Niştimanî li Emerîka, Qiteybe Idlibî, û rojnemevan Ehmed Elqesîr, amade bûn.
Û Serokê Hevbendiya Niştimanî pesna Hikûmeta Holendî di warê sizakirina tewanbarên cengê û berpirsên îşkencê li Sûriyê da, û daxwaza ku dewletê dost ku pêngavên mîna wê bistînin kir, her weha piştgiriya doseya lêpirsîna kesên tewanbar pêkanîne û nehêlana ku tewanbar ji sizakirinê rizgar bibn.
Û Elherîrî tekezî li ser pêwîstiya rûbirûbûna astengiya Rûsî ya domdar di Encûmena Ewlekariyê de di riya bikaranîna vetoyê 16 caran ji sala 2011an de daku diktatorê Sûriyê biparêze kir, û daxwaza bikaranîna benda Yekîtî ji bo Aştiyê yaku destûra çalakiyê di kêşeyan de dide Netewên Yekbûyî kir, dema ku Encûmena Ewlekariyê nikaribe tevgera pêwîst bike, wek ji 9 salan de didome.
Û Elherîrî ji Holenda daxwaza piştgiriya Hevbendiya Niştimanî ya Sûrî kir, ji bo radestkirina danişgeha Sûrîyê di Netewên Yekbûyî de bo Hevbendiyê, ji ber ku ew nûnerê gelê Sûrî yê rewa ye.
Û Elherîrî li ser rewşa giştî li Sûriyê û ya girtiyan û penaberan nemaze piştî derbasbûna 5 salan di ser birêketina dijminkariya Rûsî li ser Sûriyê axivî, yaku bû sedema ku rijêma Esed li ser rêbaza xwe ya laşkerî ya xwîndar rijd be, û redkirin û astengiya têxe her gaveke çalak ya dighîne çareya siyasî.
Û Rojnemevanê Sûrî, Ehmed Elqesîr, yê li libnanê bûye niştecî, şiroveyek kurt li ser rewşa penaberên Sûrî li Libnanê nemaze di doseya hîndariyê û pêwîstiya fêrkirina zarokên Sûrî li Libnanê di dema rewşa aborî ya dijwar yaku ew tê de dijîn axivî, her weha li ser rewşa girtiyên Sûrî di zîndana Romiyê ya Libnanê û tiştê bi serê wan dibe wek binpêkirin û destdirêjiyê, û li ser rastiya hebûna pêketiyên vîrosa korona di hundir zîndanê de, yaku liveke lezgîn jêr divê da werin rizgarkirin axivî.
Û Nûnera Holendî Yucca Brandt, piştgirîya welatê xwe bo çareya siyasî li gorî biryara navdewletî 2254 anî zimanî, û tekez kir ku Holenda pabend e bi piştgiriya mirovahî bo Sûriyan, nemaze bo penaberan di dema pîsbûna rewşa mirovahî ya dijwar de, li gel belavbûna Vîrosa korona.
Jêder: Ofîsa Ragihandinê ya Hevbendiya Niştimanî ya Sûrî
