Serokê Hevbediya Niştimanî ya Sûrî, D. Nesir Elherîrî, civînek ji dûrve li gel Cîgirê Herdemî yê Îtaliya li bal Netewên Yekbûyî, Balyoz Stefano Stefanelle, lidar xist, û pêre li ser dawîtirîn pêşhatên rewşa siyasî li sûriyê axivî, li rex gera 75emîn ya civatên giştî yên Netewên Yekbûyî.
Û di hevdîtinê de Hevrêzkarê Ofîsa Têkliyên Derve di Hevbediya Niştimanî de Ebdulehed Istêfo û Nûnera Hevbendiya Niştimanî li bal Netewên Yekbûyî Meryem Çelebî amade bûn.
Û Serokê Hevbendiya Niştimanî şiroveyek li ser encamên Komîteya Destûrî ya Sûrî yên ne cihê hêviyê ne pêşkêş kir, û zelal kir ku negihîştin xiştekara gera dahatî ji ber astengiyên rijêmê.
Û daxwaza kir ku divê rolek Netewên Yekbûyî û Encûmena Ewlekariyê ya çalaktir di rawestandina binpêkirinên rijêmê dermafê gelê Sûrê hebe, û biryarên taybet bi Sûriyê û di pêşî de biryara 2254 cîbicî bibin, her weha cîbicîkirina rêşûnên avakirina baweriyê û serbestberdana girtiyên di zîndanên rijêmê de, û tekezî li ser pêwîstiya berdewamiya birrîna têkiliyên navdewletî bi rijêmê re û kartêkerkirina doseya lêpirsîna kesên tevlî tewanên cengê li Sûriyê bûne kir.
Û han da li ser bikaranîna benda Yekîtî ji bo Aştiyê, daku vetoyê Rûsî di hundir Encûmena Ewlekariyê de li paş xwe bihêlin, û ew dê bihêle Netewên Yekbûyî di kêşeyan de kartêker bibe, gava ku Encûmena Ewlekariyê nikaribe tev bigere.
Û bal kişand ku Rûsiya 16 caran veto ji sala 2011an de ji bo parastina rijêma diktator ya ku pîstirîn tewan dermafê gelê Sûrî kirine bikar aniye, tevlî tewanên bikaranîna çekên kîmawî, yên Komîteya Lêpirsînên Navdewletî di raporên xwe de tekez kirine.
Û Elherîrî li ser binpêkirinên berdewam ên rijêmê û piştgirên wê li deverên azad li bakurê Sûriyê û li ser rewşa mirovahî ya dijwar li welêt axivî, nemaze di dema vîrosa korona de, û bal kişand ku Hikûmeta Sûrî ya Demkî barekî giran di wî warî de hildigre, û ew jî hewcedarî piştgiriyeke navdewletî ya lezgîn e.
Û Serokê Hevbendiya Niştimanî rewşa penaberên Sûrî li Somal, Îraq, Yonanistan, Denîmark û Libnanê berçav kir, û li ser bûyera mirina girtiyê Sûrî di zîndana Romiyê ya Libnanî de axivî, û tekez kir ku Hevbendiya Niştimanî di wê derbarê de hişyarî da, û daxwaza destêwerdaneke lezgîn ji aliyê saziyên navdewletî ji bo rizgarkirina yên di zîndanê de kir, û bal kişand ku gihîştina çareya siyasî li Sûriyê dê karibe pirsgirêka penaberan bi awayekî tam çareser bike.
Ji aliyê xwe ve Balyozê Îtalî tekezî li ser piştgiriya welatê xwe bo çareya siyasî li Sûriyê li gor biryara 2254 û pabendiya wê bi piştgiriya mirovahî bo Sûriyan nemaze yên penaber di rewşa mirovahî ya xerab de di dema belavbûna vîrosa korona de kir.
Jêder: Ofîsa Ragihandinê ya Hevbendiya Niştimanî ya Sûrî
