Di bin navnîşana Mafê Jinê yê Destûrî û Yasayî de û di riya zincîrek ji çalakiyan bo zanîna nerînên jinan derbarê mafên wan di yasayê de, Ofîsa Jinê û Komcivîna Jina Sûrî civîneke diyalogî lidar xistin, û têde mêvandariya Endama Komîteya Destûrî D. Regdai Zêdan û hejmarek ji jin û mêrên mafnas û çalakvanin ji civaka siyasî û sivîl kirin.
Û D. Regdai şîroveyek dîrokî li ser rewşa jinê di destûr û yasayên sûrî de, û kengê jina sûrî mafê dengdanê di hilbijartinan de û di nûnertiya perlemanê de wergirtiye pêşkêş kir, û beşdaran girîngtirîn yasayên cudahîtiyê dermafê jinê wek yasaya dana regeznameyê û yasaya cezayan yaku têde destdirêjiyên siksî û kiryarên genî derbarê jinê li kolanan û zinekarî hetiye berçav kirin.
Û amadebûyan rewşa jina sûrî berî şoreşê ronî kirin, ji ber ku çi axaftin li ser rola jinê li sûriyê nedibû bêyî zilaman an malbatên wan, ji ber ku ew li gorî yasayên malbatê bûn û jin bi tena serê xwe rêvebiriya malbatê nake, û tenê di rewşin awarte de jin dibû berpisyar, û bi ser wê de sûriyê li pêşiya dewletên ku jin bi sedema rûmetê têde dihatin kuştin bû, û dermafê keç û jinan tundiya govdeyî û derûnî pêk dihat, ger ji aliyê mêrên wan ba, an berî zewacê be, gava ku bi kotekî ew didan mêr an ew ji mafê mîratê bêpar dikirin.
Û amadebûyan li ser rewşa jina sûrî piştî şoreşê û rewşên ku têde rola xwe ya rasteqîn standiye û karîn û şarezaya xwe di warê civakî û sivîlî û aborî de xuya kiriye axivin, û gotin ku rubê jinên sûriyê niha ew berpisyariya malbatan hildigrin, û rastî astengiyên civakî û kevneşopî mezin tên.
Û amadebûyan tekezî li ser pêwîstiya derxistina nivîsên destûrî û yasayî kirin, û ku pêwîste civakê hişyar bikin, daku rêzê li mafê jinê û xwastekên wê bigre, û Hemwelatiyê wekhev pêk were, û urf û edet û kultûr tevlî tiştên yasayî nekin, û yasayin taybet bo jina sûrî nemaze piştî salên şoreşê derînin, daku pêre alîkar bin, û jin têde beşsariyê bike, û derî li pêşiya jinê vekin, û yasayên ku parastina mafê wê bikin derxînin, daku li hember tundî û destdirêjiyên dermafê jinê çêdibin raweste, û kar li ser zêdekirina hişyariya civakî bikin, û rewatiya kota jinê ya nîşankirî bi xêzeke demî ve bête girêdan, daku beşdariya jinê ya siyasî û rêvebirî xurt bibe.
Jêder: Ofîsa Ragihandinê ya Hevbendiya Niştimanî ya Sûrî
