Xelkên Sûriyê bîranîna çarem ya kuştara kîmawî vejandin, ya ko rêjîma Esed li Xûta Şamê pêkaniye û 1200 sivîl, piraniya wan zarok û jin bûn, bûne qurbanî.
Çalakvanên Sûrî çend xwepêşandan û rawestandinên pirotestokirinê li welatên penaberiyê rêkxistin kirine û diruşmên hildane daxwaza dadgehkirina Beşar Elesed dikin yên ko bi fermana wî ev kuştar çêbûne û bû sedema kuştina bi sedhezaran kes.
Herêmên Xûta rojhilat û mu’demiyet Elşam roja 21.08.2013ê ji hêla Firokên rêjîmê ko çekên kîmawî bikaranîne hatine bombebarankirin, di encamê de 1200 kes piraniya wan jin û zarok şehîd ketine.
Toreya Sûriyê ya mafê mirovan di raporta xwe ya 14 vê tabaxê de anî ziman ko hejmara êrîşên kîmawî ji sala 2011ê ve nekêmî 207 êrîşan e, ji wan jî 174 piştî derçûna biryara hejmar 2118, ya sizakirina rêjêmê li gor benda heftan eger pabendiyê bi biryaran neke tê de hatiye .
Hevbendiya Niştimanî ya hêzn şoreşê û rikberiya Sûriyê daxwaz ji Encûmena Ewlekariyê û Netewên Yekbûyî kir ko bi berpirsiyariyên xwe rabin, yên derbarê lêpirsîn û sizakirina berpirsiyarên tawankariyên bikaranîna çekên kîmawî li Sûriyê û hemû tawankariyên sivîl amanc kirine, û rawestandina wê bi yekcarî dabîn bikin.
Hevbendiya Niştimanî di daxuyaniya xwe de got:” tev li hemû têkçûnên navdewletî û yên navnetewî , miletê Sûrî dê dilêr bin bi xwîna şehîdên xwe re û li pêşberî neçaretiya navdewletî bi hêztir bin, û sûr bin ji bo amancên şoreşa xwe di azadî, rûmet û dadmendiyê de misoger bikin.”
Jêder: Nivîsgeha Ragihandinê ya Hevbendiya Niştimanî
