Desteya Siyasî ya Hevbendiya Niştimanî ya Sûrî, civata xwe ya rolane bi amadebûna Serokê Hevbendiyê Salim Elmislit û hejmarek mezin ji endamên Desteya Giştî lidar xist, û behsa pêşhatên rewşa meydanî û siyasî li Sûriyê kir.
Û Desteya Siyasî behisa pêşketinên rewşa meydanî û dijminkariya Rûsiya û rijêma tawanbar li ser deverên rizgarkirî, nemaze li ser gundewarên Idlib, Hema û Helebê û metirsiya dijminkariyên dawîn li ser deverên operasyona Mertala Feratê kir.
Û amadebûyan li raporên girêdayî rewşa tenduristî li deverên rizgarkirî, nemaze yên derbarê belavbûna mezin ya bêtara koronayê li deverê temaşe kirin, her weha karê Wezareta Tenduristiyê ya Hikûmeta Sûrî ya Demkî di rûbirûbûna vê bêtarê de, û pêwîstiya bilezkirina kar û pêwendiyên navdewletî ji bo dabînkirina vaksîn û pêdviyên bizîşkî ji bo dorpêçkirina vê bêtarê û rizgarkirina jiyana xelkê ji vê bêtarê.
Û amadebûyan encamên serdana Şandê Hevbeş yê Hevbendiya Niştimanî û Desteya Danûstandinê bo Emrîka li rex civatên Komeleya Giştî ya Netewên Yekbûyî û hevdîtinên ku li gel şandên dewletan li dar xistine berçav kirin, û li ser hevdîtinên ku bi rêvebiriya Emrîkî û Endamên Kongirêsê re li Washington pêk anîne rawestiyan.
Û Serokê Hevbendiya Niştimanî, tekezî li ser giringiya serdanê ji bo ku doseya Sûriyê vegerînin cihê wê yê xwezayî û pêşdebirina wê li bal dewletan û nemaze Emrîka kir, ji bo serastkirina nerîna siyasî ya dewletan û tekezîkirina li ser ku doza Sûriyê dozeke siyasî ye, û şoreşa gel e dijî desthilata dîktator û ne tenê dozeka mirovahî û hawarçûnê ye, her weha tekeziya li ser pabendiya bi cîbicîkirina biryara navdewletî 2254 bi her çar sepetên wê, tevî hikumdariya veguhêz û ku pirosesa siyasî tenê di warê Komîteya Destûrî de nemîne.
Û amadebûyan pêngava metirsîdar yaku Saziya Polîasên Navdewletî (Interpol) pê rabûye di riya jinûvekirina ofîsa wê re li bal rijêma Esed gengeşe kirin, û endamê Desteya Siyasî Ebdilbasit Ebdilletîf hişyarî ji bikaranîna rijêma Esed ji vê biryarê re ji bo ku tuhmetên nerast bixe stûyê kesên rikber de da, û bal kişand ser ku tawanbar Beşar Esed û stûnên rijêma wî ne, yên ku dijî gelê Sûrî tawan pêkanîne, û got ku ew in yên ku divê (Interpol) bi pey wan bikeve.
Jêder: Ofîsa Ragihandinê ya Hevbendiya Niştimanî ya Sûrî
