Hevbendiya Niştimanî ya Sûrî civînek ji dûr ve li gel nûnerên dewletên dost û birayên gelê Sûriyê lidar xist, û bi wan re behsa pêşhatên rewşa meydanî û pêşketinên pirosesa siyasî li Sûriyê û doseya alîkariyên mirovahî kir.
Û di civatê de Serokê Hevbendiya Niştimanî Salim Elmislit û Cîgirê Serok Ebdilehed Istêfo û Endamên Desteya Siyasî û Wezîrê Tendurustiyê di Hikûmeta Sûrî Ya Demkî de D. Meram Elşêx û Rêvebirê Cîbicîkar yê Yekîneya Hevrêzkariya Piştgiriyê Mihemed Heseno û Serokê Beşê Yekîneya Agahiyan di Yekîneya Piştgiriyê de Qasim Şobek amade bûn.
Û di civatê de 18 Nûnerên Doseya Sûrî ji curbecur dewletên dost û birayên gelê Sûrî amade bûn.
Û Serokê Hevbendiya Niştimanî Salim Elmislit, tekezî li ser pabendiya bi çareya siyasî kir, û daxwaza fişarê li ser Rûsiya ji dewletên dost kir, daku rewşa rawestana pirosesa siyasî derbas bikin, li şûna hewldanên normalkirina têkliyan li gel rijêmê û xelatkirina rijêmê li ser tawanên ku pêk anîne.
Û Elmislit ji tevaya dewletan daxwaz kir ku helwestin mirovahî di herdu warên tendurustî û fêrkirinê de bistînin, nemaze derbarê rewşa ku koçber û derbider di demsala zivistanê de têre derbas dibin, di dema belavbûna bêtara korona de, û tekezî li ser giringiya piştgiriya Hikûmeta Sûrî ya Demkî kir, yaku rastî dijwariyên mezin tê, di warê dabînkirina xwastekên nişteciyan di van herdu doseyan de.
Û Hevrêzkarê Rêvebiriya Şêwerdariyên Stratîcîk Ehmed Remedan, tewanên ku Îran li Sûriyê pê radibe berçav kirin, û diyar kir ku çi lehevkirin bi Îranê re di dema ketina nava civaka Sûriyê de dê li ser hesabê gelê Sûriyê be, û pirs kir, gelo ti misogerî ji aliyê dewletan ve hene ku Sûrî nebin qurbaniyên Îranê.
Û Remedan tekez kir ku di dema helwestên Rûsî yên niha de, çênabe ku Rûsiya weke navgîn be, ji ber ku desttêwerdanê ji bona Esed dike, û vîto 16 caran bo berjewendiya rijêmê di Encumena Ewlekariyê de bikar aniye.
Û Sekretêrê Desteya Siyasî Ebdilmejîd Berekat, daxwaz kir ku sizayên ji aliyê dewletan de berfireh û bi hevre bin, daku rê li pêşiya çi hewldanên reva rijêmê û saziyên piştgiriya wê dikin wek milîsên PYD yên terorîst bigre, daku ji sizayan rizgar nebin, û şiroveyeke hûrgilî li ser bandora cezayan li ser deverên rizgarkirî pêşkêş kir.
Ji aliyê xwe ve Serokê Desteya Niştimanî ya Karûbarê Girtî û Windayan Yasir Elferhan, tekezî li ser pêwîstiya avakirina stratîciyeke tam bo peyketina tawanbaran û kesên binpêkirin dermafê gelê Sûrî pêk anîne kir, û xwest ku ji nû de doseyan li pêşiya dadgeha tawanên navdewletî vekin.
Û endama Rêvebiriya Têkliyên Derve di Hevbendiyê de Dîma Mosa, li ser rewşa tirajîdî li bakur û rojava û rojhilatê Sûriyê axivî, û got ku em li pêşiya dawiya jivana şeş heyvan in ji dirêjkirina biryara Encumena Ewlekariyê ya girêdayî derbaskirina alîkariyan di riya dergehên sînorî re, û got ku tiştekî ne zelal di xwestekên bo raporan de heye, û bi awayekî siyasî pêre tête danûstandin, daku bandorê li ser dirêjkirina biryarê bikin, û wek tê zanînîn ku biryar tenê mirovahî ye.
Û Wezîrê Tendurustiyê Meram Elşêx, şiroveyek li ser rewşa tendurustî li deverên rizgarkirî û pêdviyên pêwîst bo rûbirûbûbna bêtara korona her weha belavbûna nexwaşiya leşmaniya pêşkêş kir, û bal kişand ser pêdviyên pêwîst daku sînorekî li pêşiya belavbûna herdû nexwaşiyan deynin.
Û Hevrêzkarê Karûbarê Penaberan di Hevbendiya Niştimanî de Ednan Elrehmon, daxwaza sepandina qedexekirina yekser ji tevaya operasyonên vegerandina bi kotekî ji penaberên Sûrî re kir, û nehêlin ku penaber rastî metirsiya mirin an girtinê ji aliyê rijêma tawanbar ve werin, û daxwaza fişaran li ser Danîmarkê kir, ji bo rawestandina vegerandina bi kotekî ji çi penaberê Sûrî re û rawestandina kiryarên ne yasayî, ji ber ku ew kiryar pabendiya bi venegerandinê, li gor rêkeftina 1951 ya yasaya navdewletî ya naskirî, binpê dike.
Û serokê Beşê Yekîneya Agahiyan di Yekîneya Hevrêzkariya Piştgiriyê de Qasim Şobek, rewşa tendurustî û fêrkirinê û pêdviyên zivistanê berçav kir, û xwest ku fişar li ser bexişkaran bibe, daku xizmetkariyên mirovahî pêşkêş bikin, û nehêlin ku bobelat peyda bibin, û daxwaza hîn bêhtir hevrêzkariyê di navbera bexişkaran de kir, û xwest ku bersivdana navnetewî ji bo dema dûr pêşde here.
Jêder: Ofîsa Ragihandinê ya Hevbendiya Niştimanî ya Sûrî
