Serokê Hevbendiya Niştimanî ya Sûrî Salim Elmislit, li Balyozxaneya Sûrî ya li Paytexta Qeterê Eldewha pêşwaziya Rêvebira Balyozxaneya Emrîka li Eldewha Natalie Baker kir, û pêre behsa pêşhatên rewşa meydanî û dawîtirîn pêşketinên siyasî li Sûriyê kir.
Û Elmislit tekezî li ser giringiya rola Emrîka di berdewamiya sepandina sizayan li ser rijêma Esed û her kesê ku pêre alîkar di şer li ser gelê Sûrî de kir, her weha helwestên Emrîkayê yê eşkere di redkirina normalkirina têkliyan bi rijêma Esed yê tawanbar re.
Û Serokê Hevbendiyê di hevdîtina xwe de cextî li ser rola Emrîka di kartêkerkirina pirosesa siyasî de û vekirina tevaya sepetên ku di biryara 2254 hatine de kir, daku bighênin çareya siyasî yaku dê hêviyên gelê Sûrî di azadî û rûmet û demoqrasiyê de pêk tîne.
Ji aliyê xwe ve Rêvebira Karên Balyozxaneyê tekezî li ser helwestên neguhêr ên welatê xwe yên ku dijberî normalkirina têkliyan e bi rijêmê re û rijdiya Emrîka li ser cîbicîkirina Yasaya Qeyser û sizakirina çi aliyên ku vê yasayê binpê dikin kir.
Û herdû aliyan cextî li ser berdewamiya hevkarî û hevrêziyê û karê pevre ji bo destnîşankirina aliyên ku bi rijêma Esed re didin û distînin weke hewldaneke cîbicînekirina Yasaya Qeyser kir.
Jêder: Ofîsa Ragihandinê ya Hevbendiya Niştimanî ya Sûrî
