Di berdewamiya zincîra çalakî û rahênanên ku Desteya Jinê ya Sûrî û Yekîneya Piştgiriya Aramiyê bo xurtkirina rola jinê û bihêzkirina wê di warê siyasî de cîbicî dikin, Desteya Jinê li bajarê Gazî Entabê rûniştineke diyalogî û gengeşeyî derbarê piralîbûna siyasî û avakirina partiyan lidar xist, û têde mêvandariya Serokê Partiyê Elnîdai Elwetenî Eldîmiqratî Nebîl Qesîs kir, û Cîgira Serokê Hevbendiya Niştimanî û Seroka Desteya Jinê ya Sûrî Ruba Hebûş û hejmarek ji jinên çalak di karûbarê giştî de beşdarî kirin.
Û Qesîs kurteşiroveyek li ser karê partîtî û siyasî û têgeha partiyê û cudahiyên di navbera partiyên siyasî de û armanc û karên wan û hin serboriyên dîrokî yên taybet pêşkêş kir, û bal kişand ser ku demoqrasî di civakê de li ser du pirensîpên sereke ava dibe ew jî: Dûrbûna leşkeran ji desthilatê û hevsengiya hêzên siyasî ne.
Û kesên amade li ser dûrketina ciwanên Sûrî ji partiyên ku bûne dîlên kesên kilasîk û ti ezmûna nû pêşkêş nekirine daku xizmeta xelkê bikin û rewşa wan çak bikin, û bûne sedema lawaziya baweriya bi karê partîtî axivîn, û got ku partiyan nehişt ku nifşên nû yên ku weke pêşengan bûn di şoreşa Sûrî de beşdariyê bikin, yên ku rêvebiriya tevgera şoreşê kirin û civak tev di warê aborî û siyasî de çalak kirin, û di gengeşiyan de li ser partiyên siyasî yên ku piştî şoreşa Sûrî li mişextiyê ava bûne axivîn, û dîtin ku wan partiyan mirovê Sûrî ji stemkariyê rizgar kirin, û gotin ku roleke wan a rahênanî ya girîng bo dema guhartinê û avakirina Sûriya pêşerojê û dewleta dezgeh û partiyên piralî û demoqrasiyê hebû.
Û jinên beşdar temînî derbarê pêwîstiya ku partî beşdariya jinê di karê partîtî yê normal û di rayedariyê de kartêker bikin û wêneya ku rijêma beis li ser rola jinê çespandiye hilînin kirin, û bal kişandin ser ku bihêzkirina jinê di warê siyasî de geşepêdaneke dirêj û berfireh pêk tîne, û divê arasteyeke nû hebe daku partî bizavên bêhtir bo piştgiriya siyasî ya jinê bikin.
Jêder: Ofîsa Ragihandinê ya Hevbendiya Niştimanî ya Sûrî
