Emîndarê Giştî yê Hevbendiya Niştimanî ya Sûrî Heysem Rehmê ji civaka navdewletî xwest ku baldar be ji gengaziya ku botîn ji ber ziyanên xwe li Okranya bersiveke tolhildanî Sûriyê bide, û daxwaza piştgiriya Artêşa Niştimanî ya Sûrî bi cebilxane û çekên dijî balefiran li kêlek piştgiriya Okraniya kir, daku bijardeyên Botin li Sûriyê sînordar be, û nehêle ku gefê bide dewletên NATO di riya baregehên xwe yên li kanra Sûriyê.
Û Rehmê tekez kir ku civaka navdewletî şaştiyeke mezin kir dema ku werîsê Botîn li Sûriyê dirêj kir, û hişt ku tê de li ser hesabê giyanê sûriyan dirêj bibe, wê jî hişt ku Botîn han bide ser êrîşkirina Okranya, yaku ger Botîn têde serkeftî bibe dê li ser sînorên xaka Okranya raneweste, lêbelê armancên wî dê dirêjî kûrahiya dewletin Ewropî nû bibe.
Û Emîndarê Giştî yê Hevbendiya Niştimanî bal kişand ser ku durûtî û derewên Rûsiya di bihaneyên ku derdixe holê daku dijminkariya xwe dermafê dewlet û gelên cîhanê pêk bîne, ji ber ku Rûsiya got ku ew li ser daxwaza rijêma rewa li Sûriyê ye, tevî ku rijêma Esed bi xwe rijêmeke dîktatorî ye û li ser pişta tangan hate ser desthilatê, û li Okranya jî Rûsiya şerê hikumeteke rewa dike, hikumeta ku di riya sendoqên dengdanê re hatiye ser desthilatê.
Û Rehmê cext kir ku niha piştî dijminkariya Rûsiya dermafê Okranya ewlehiya Ewropa tev bi ya Sûriyê ve girêdayî ye, ew jî hizreke cidî û xebateke rasteqîn bo piştgiriya şoreşa Sûriyê û Artêşa Niştimanî dijî rijêma tawanbar dixwaze, daku hebûna leşkerî ya Rûsiya li Sûriyê lawaz bibe.
Jêder: Ofîsa Ragihandinê ya Hevbendiya Niştimanî ya Sûrî
