Daxwiyaniyeke Rojnamevanî
Hevbendiya Niştimanî ya Sûrî, pîrozbahiya gelê Sûriyê û umeta erebî û îsalmî bi helkefta heyva remezanê ya pîroz dike, heyva semax û xurtî û bexşanê, û hêvî dike ku heyva xêr û serkeftinê be.
Heyva remezanê ser ta serê dîrokê û di salên şoreşa Sûriyê de, heyva serkeftin û destkeftan e, û ji sûriyan tê xwestin ku hîn bêhtir rastiyê di xebatên îbadetê de diyar bikin, we ku di meydana karê çak bi wateya wê ya giştî de kar bikin, û di serî de berdewamiya kar li ser rûxandina rijêma tawanbar û rizgarkirina Sûriyê ji stemkarî û terora wê.
Her sûriyekî xwedan karîn li derve û hundir, divê zanibe ku heyva remezanê heyva comerdî û dana bo xwedê ye, û kesên nêzîk bêtir şayistên xêrê ne, nemaze sûriyên di kampên bakurê Sûriyê de, her weha xelkên me yên di bin dagirkeriya rijêmê de.
Malbatên pakrewanan û malbatên windayan ji me tên xwestin, û gelek mafên wan di hustê me de heye, bi kêmanî divê em tiştê ku têra wan bike û rûmeta wan biparêze ji wan re dabîn bikin.
Bi sedên hezaran ji malbatên Sûrî, dê bi hesret li ser sifra fitarê rûnên, ji ber kurekî wan pakrewan e, an birayekî wan girtî ye, an zarokekî wan sêwî ye, bi sedema tawanên rijêma Esed dermafê gelê Sûriyê.
Em gelê Sûriyê yê gewre û bideyax, yê pabend bi pirensîp û daxwazên xwe yên mafdar di azadî û dadwerî û avakirina Sûriya nû de, yaku cihê Esed û rijêma wî têde tune be, pîroz dikin.
Xweda karên we yên çak qebûl bike
Û her sal hûn bixêr û xweşî bin
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
2 nîsan 2022
