Daxwiyaniyeke Rojnamevanî
Hevbendiya Niştimanî ya Sûrî sersaxiyên germ bo malbata rojnamevana Filestînî Şêrîn Ebo Aqlê û hevkarên wê û tora Elcezîrê ya ragihandinê pêşkêş dike, rojnamevana ku îro di dema bi erkê xwe yê rojnamevanî radibû, bi sedema armanckirina wê ji hêla hêzên dagîrkerê Îsraîlî ve şehîd bûye.
Rojnamevana koçkirî bi rastgoya peyva azad û wêrekiya xwe di karê peyamnêriyê de tevî hemî metirsiyan bi dirêjiya bidehên salên berê naskirî bû, û hêzên dagîrker bi guleyeke yekser di serê wê de sibeha îro ew armanc kir, di dema rabûna wê bi karê xwe yê rojnamevanî yê romalkirina êrîşa li ser kampa Cinîn ya Aldifa Elxerbiyê li Filestînê de.
Hevbendiya Niştimanî bi tûjtirîn gotin ev Tawana pîs yaku têde rojnamevana Filestînî Şêrîn Ebo Aqlê hatiye kuştin û rojnamevan Elî Elsimodî birîndar bûye şermezar kir, û Hevbendiyê ev Tawan weke Tawana dijî rojnamevanî û ragihandina azad û temrandina dengê rastiyê dibîne, û got ku ev yek yasaya navdewletî binpê dike, û piştî yazde rojan ji roja cîhanî ya azadiya rojnamevaniyê tê.
Hevbendiya Niştimanî tekeziyê li ser pêwîstiya parastina rojnamevanan û azadiya rojnamevaniyê û berçavgirtina yasayên navdewletî yên ku destûrê didin ku rojnamevan bi erkê xwe rabin û tawanbarkirina kesên ku rojnamevanan li her derê li seranserî cîhanê armanc dikin dike, û ji civaka navdewletî daxwaza liveke lezgîn bo nehêlana ku dagîrkerê Îsraîlê tundiyê dijî filestîniyan û kesên di warê rojnamevaniyê de dixebitin bi kar bîne kir.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
11 gulan 2022
