Ofîsa Têkliyên Derve ya Hevbendiya Niştimanî ya Sûrî, civînek li gel Şandê Yekîtiya Ewropa yê têkildarî doseya Sûriyê li dar xist, û bi hev re behsa pêşhatên rewşa meydanî û dawîtirîn pêşketinên siyasî di doseya Sûrî de kirin.
Û di civatê de Cîgirê Serokê Hevbendiya Niştimanî yê Karûbarê Derve Ebdilehed Istêfo, û Endamê Desteya Siyasî D. Bedir Camûs, û Nûnerê Yekîtiya Ewropa Dan Stoinescu, û Rêvebera Beşê Siyasî ya Ofîsa Yekîtiya Ewropa li Libnanê Anna Burlon amade bûn.
Û Istêfo li ser komkujiya taxa Eltedamun yaku rojnameya The Guardian eşkere kiriye axivî, û tekez kir ku ew ne take-komkujî ye rijêma Esed li Sûriyê dermafê sivîlan pêk aniye.
Û bal kişand ser ku bidehên hezaran kes hene bi vî awayê hovane hatine kuştin, û got ku rijêm ne di pirosesa siyasî de cidî ye û nejî di serbestberdana girtiyan de, û lêborîna ku derxistiye tenê ji bo veşartina tewanên xwe ye.
Ji aliyê xwe ve D. Bedir Camûs li ser pêwîstiya ku doseya Sûrî li ser maseya danûstandinê bi serperştiya civaka navdewletî bimîne axivî, û tekezî li ser pêwîstiya bikaranîna tevaya karînan ji bo pêkanîna çareya siyasî li Sûriyê li gorî biryarên navdewletî û pêkanîna hêviyên gelê Sûriyê di azadî û rûmet û demoqrasiyê de kir.
Û ji hêla xwe ve Şanderê Yekîtiya Ewropa tekezî li ser piştgiriya yekîtiya Ewropa ji doza Sûriyê re kir, û bal kişand ser ku bawerî bi rijêma Esed nayê, û rexne li awayê serbestberdana girtiyan kir, û dît ku bi awayekî ne mirovahî bû.
Û tekez kir ku Yekîtiya Ewropa dê bizavê bo komkirina karînên navdewletî bike, daku fişarê li ser Rûsiya bo dirêjkirina biryara derbaskirina alîkariyên mirovahî bo hewcedaran li Sûriyê di riya xalên sînorî re bike.
Jêder: Ofîsa Ragihandinê ya Hevbendiya Niştimanî ya Sûrî
