Hevbendiya Niştimanî ya Sûrî tekez kir ku Îran dixwaze di gelek waran de li ser xaka Sûriyê belav bibe, û ew ne tenê di warê leşkerî û guhertina olî re belav dibe, lêbelê hewl dide ku aboriya welêt jî bixe bin kontirola xwe de.
Û endamê Desteya Siyasî ya Hevbendiya Niştimanî Zuhêr Mihemed, got ku di dema bêdengiya navdewletî ya tam de, berfirehbûna Îranê zêdetir dibe, û di sala bûrî de 13 kampaniyên Îranî li welêt hatine vekirin.
Û bal kişand ser ku armancên Îranê ji çesipandina lingên xwe li Sûriyê di riya berfirehbûna di hemû waran de, nemaze warê destdanîna ser abûriya welat xwiya ne, û got ku metirsiya berfirehbûna Îranê di warê aborî de ne kêmtir e ji metirsiya wê ya di warê leşkerî de, ya di riya destek û milîsên xwe re li deverên di bin kontirola xwe de berfireh dike.
Û cext kir ku çavê Îranê ne tenê li hebûna leşkerî ye, lê ew hîn jê dûrtir digere, ji ber dibe ku rewşa leşkerî ta hetahetayê nedome, dema mercên aştiyê li gorî biryarên navdewletî bên sepandin, lewra ew kar li ser derbasbûna nava civakê û hejmûna olî û aborî li deverên Sûriyê yên curbecur dike.
Tê zanîn ku amûrên ragihandinê li vê dawiyê zêdebûna hevkariya bazirganî di navbera rijêma Esed û ya Meleyan de di riya destûrdana hejmarek mezin ji kampaniyên Îranî li Sûriyê şopandine, di dema ku hîn milîsên wê bi rolin tawankarî yên berçav dermafê gelê Sûriyê radibin.
Jêder: Ofîsa Ragihandinê ya Hevbendiya Niştimanî ya Sûrî
