Daxwiyaniyeke rojnamevanî
Rûsiya di êrîşên xwe yên dijminkarî li ser sivîlên Okranya de berdewam e, û heman siyaseta tawankarî ya ku ji salan de dijî gelê Sûriyê bikar aniye li Okranyê pêk tîne, ew jî siyaseta zemîna sotandî ye, bêyî ku cudahiyê têxe nav xwezaya cihên ku wan armanc dike.
Hevbendiya Niştimanî ya Sûrî komkujiya kirêt ya ku Rûsiya duh pêkaniye û têde 16 sivîl kuştine di riya bombebarankirina yek ji bazarên bazirganiyê di orta Okranya de şermezar dike, û berdewamiya tawanên Rûsî dijî sivîlan li Sûriyê û Okranya şermezar dike.
Rûsiya û rijêma Esed şêwazê hovane li Sûriyê bi bombebarankirina avahiyên niştecihan, nexweşxane, dibistan û hemû beşên jiyanê bikar aniye, û niha tawanên xwe li Okranyê dubare dike, û jiyana bi
milyonan kes tevlî zarok û jinan piştguh dike, daku bigihêje armancên xwe yên nerewa.
Hevbendiya Niştimanî tekez dike ku ji civaka navdewletî tê xwestin ku bi karê cidî rabe, ji bo ku rê li pêşiya Rûsiya û Rijêma Esed bigre, û dijminkariyên wan li ser sivîlan rawestîne, û nûnerên herdû dewletan ji hemû civakên navdewletî dûr bixe, Piştî dosya wan ya mezin di tawanên cengê û tawanên dijî mirovahiyê de, û mafê qurbaniyan vegerîne, û nehêle ku ev tawan li çi devera cîhanê dubare bibin.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
29 hezîran 2022
