Netewên Yekbûyî hişyarî da ji encamên dirêjnekirina karspartina veguhestina alîkariyên mirovî di rêya dergehê Bab Elhawa yê li ser sînorê Sûriyê li gel Tirkiyê re, ew biryara ku dê di 10ê tîrmeha dahatî de bidawî bibe, li gorî biryara Encûmenê ya hejmar 2585 ya di tîrmeha sala bûrî de derketibû.
Û Berdevkê Emîndarê Giştî yê Netewên Yekbûyî, Stephane Dujarric, di kongirekî rojnemevanî de ku li Baregeha Herdemî ya Saziya Navdewletî li New Yorkê roja Sêşemê li dar xistiye de, got ku ev yekemîn care ku hewcedariya mirovan dighêje vê astê, ji ber ku îro 14.6 mîlyon mêr, jin û zarok hewcedarên alîkariyê ne, û ev yek jî nîşan dide ku 1.2 mîlyon kes beranberî sala 2021an zêde bûne, ew jî asta herî bilind e ji destpêka kirîza Sûriyê de.
Û Dujarric got ku zêdebûna bilez a hewcedariyan ji ber xirabûna kirîza aborî ya domdar e, û bi ser de şer û pevçûnên berdewam li hin deverên welat, her weha sedemên seqaya nebaş. Û Dujarric got ku bêhtir ji 90% ji xelkê Sûriyê niha di xizaniyê de dijîn, û nemana ewlehiya xwarinê gihiştiye astin dîrokî.
Û berî bi demekê Desteyên Alîkariyê yên navdewletî, hişyarî dan ku eger Encumena Ewlekariyê pesendkirina xwe bo gihandina alîkariyan ji bo bakurê-rojavayê Sûriyê di tîrmeha bê de dirêj neke, dê keresteyên xwarinê yên ku derdora çar milyon kesê Sûrî li ser dijîn heta heyva Îlonê li herêmê bi dawî bibin.
Û Hevbendiya Niştimanî di daxwiyaniyeke xwe de daxwaza pêwîstiya dirêjkirina biryara navdewletî derbarê derbaskirina alîkariyan di riya xalên sînorî re kiribû, û gotibû ku pir pêwîst e ku alîkariyên miriovahî di riya rijêma Esed re neyên şandin, ji ber ku ew wan alîkariyan ji bo pşitgiriya milîsên ku sûriyan dikujin bikar tîne.
û Hevbendiyê tekez kir ku ev alîkarî ne armanca sûriyan in, lê ew tenê rêyek e ji bo zindî bimînin, û li hember rewşa dijwar yaku têde dijîn li ber xwe bidin.
Û Hevbendiyê got ku armanca sûriyan ew e ku ji rijêma Esed û desthilatdariya wê rizgar bibin, û Sûriyê jinûde ava bikin, daku karibin vegerin bajarên xwe, û Sûriya nû yaku azadiya mirov û rûmeta wî diparêze ava bikin.
Jêder: Ofîsa Ragihandinê ya Hevbendiya Niştimanî ya Sûrî
