Daxwiyaniyeke rojnamevanî
Hevbendiya Niştimanî ya Sûrî, kontrolkirina Rûsiya ji alîkariyên mirovî yên girêdayî Sûriyê re, di riya bikaranîna VETOyê wek çekekî li dijî her pêşniyara biryareke Encûmena Ewlekariyê ku dikeve xizmeta Sûriyê de red dike, û daxwazê ji Encumena Giştî dike ku civînekê li ser dosya alîkariyên mirovî lidar bixe, û biryara L.52 yaku ji hêla Liechtenstein ve hatiye pêşkêşkirin cîbicî bike, yaku destûrê dide Civata Giştî ku di nava deh rojan de bicive, gava ku VETO di Encumena Ewlekariyê ji hêla yek ji pênc dewletên xwedî hêz û karîn ve bikar were.
Hevbendiya Niştimanî hişyariyê dide ku dirêjkirina derbasbûna alîkariyên mirovî bo heyama şeş heyvên dahatî , dê ne çareseriyeke bi bandor be, û mafê Sûriyan nade wan, ji ber ku di zivistana bê de dema ku pêwîstî zêde bibin dê careka dî têkevin bin gefên Rûsiya, ji ber vê yekê Hevbendiya Niştimanî bang li Emerîka û dewletên cîhana azad dike ku mîkanîzmeke nû bibînin, daku gihandina alîkariyên Sûriyê dûrî alîgirên rêjîma Esed yên tawankar û VETOyê Rûsî be.
Dosya alîkariyên mirovî tiştê herî kêm e ku cîhan dikare pêşkêşî gelê Sûriyê bike, ji ber ku ew mîna damara jiyanê ye ji bona milyonan Sûrîyên ku rojane rastî tawankariya rêjîma Esed, Rûsiya û Îranê tên, û ew di rewşek trajîdî de dijîn, û hiştina wan bê xwarin, stargeh, perwerde û tenduristî, dibe mîna beşdariyê di kûrkirina vê trajediyê de.
Hevbendiya Niştimanî ya Sûrî tekez dike ku pêwîs e Rûsya beşdariyê di dosyayên mirovî de çi li Sûriyê û çi li devereke dî be neke, ji ber ku ew van dosyayan ji bo fişarê li ser Rojava û bidestxistina destkeftên siyasî dûrî çi guhdana pêwîstiyên mirovî bikar tîne, di dema ku ew di ber bi sedan tawanên cengê û tawanên li dijî mirovahiyê li Sûriyê û Okraya de berpisyar e.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
12 tîrmeh 2022
