Tora Sûrî ya Mafên Mirovan, eşkere kir ku milîsên PYDe yên terorîst herî kêm 16 xebatkarên medyayê yên ku di dezgehên ragihandinê yên serbixwe de dixebitin, piştî serdegirtina malên wan li bajarê Reqayê bi tawana sîxuriyê girtin.
Û Tora Sûrî ya Mafên Mirovan bal kişand ser ku milîsên PYDe yên terorîst di operasiyonên girtinê de siyaseteke mîna rêjîma Esed dişopînin, û got ku biryarên dadwerî yên ku distînin ne li ser bingeha yasayê ne, nemaze di revandina ji ser riyan û bazaran û cihên giştî de, herweha serdegirtina navendên dezgehên ragihandinê û çalakiyên sivîl jî ne yasayî ne.
Û Tora Sûrî tirsa xwe anîn ziman ji tuşbûna rojnamevanên girtî di dema lêpirsînê de ji îşkenceyê û wendakirina kotekî re, weke rewşa 85% ji girtiyan, ji ber ku rê bo wan nayê dan ku bi malbatên xwe re têkiliyê bikin, an jî parêzeran destnîşan bikin.
Û Tora Sûrî got ku hejmarek ji girtiyan di dema operasyona girtinê de rastî lêdana tund hatin û gef li wan hatin xwarin.
Û Tora Mafnasî di dawiya tîrmeha bûrî de zêdebûna girtin û leşkerkirina kotekî ji aliyê milîsên PYDe ve û serkutkirina azadiyê li deverên di bin kontrola wê de belge kir, û got ku bandora vê yekê li ser gelek aliyên jiyanê hebû, û rewşa azadiya karê rojnamevanî û siyasî sebaret kesên ku van milîsan rexne dikin xirabtir bû.
Ji aliyê xwe ve Hevbendiya Niştimanî ya Sûrî tekez kir ku milîsên PYDe yên terorîst kar bi rêjîma Esed re bo têkbirina ewlehî û aramiya li deverên rizgarkirî dikin, û ev yek jî disepîne ku ew beşek ji vê rêjîma tawankar in û di bin fermandariya wê de ne.
Û daxwaza rakirina sîwana navdewletî ji ser van milîsên terorîst û rawestandina piştgiriya wan kir, û wan li ser binpêkirinên ku dermafê sûriyan pêkanîne siza bikin, ji ber ku ew xwedanên doseyeke berfireh in di warê tawanên dijî sivîlan de.
Jêder: Ofîsa Ragihandinê ya Hevbendiya Niştimanî ya Sûrî
