Li ser vexwendina Rêvebirê Giştî yê Rêvebiriya Rojhilata Navîn û Bakurê Efrîka di Wezareta Derva ya Almanî de, Serokê Hevbendiya Niştimanî ya Sûrî Salim Elmislit û Serokê Desteya Danûstandinê ya Sûrî Bedir Camûs, sardana Qunsilxaneya Almaniya li bajarê Stanbolê kirin.
Û di civînê de Emîndarê Giştî Heysem Rehmê û Cîgirê Serokê Hevbendiyê Ebdilehed Istêfo beşdarî kirin.
Û Serokê Hevbendiya Niştimanî li ser pêşhatên rewşa meydanî û siyasî di dosya Sûriyê de û di serî de pirosesa siyasî û rêyên wê yên rawestandî ji ber redkirina rêjîma Esed û alîgirên wê yên ku beşdariyê di çi piroseseke siyasî de nakin, pirosesa ku dighêje çaresereya siyasî ya rasteqîn li gorî biryarên navdewletî yên pêwendîdar û bi taybetî daxwiyaniya Cinêvê û biryarên 2118 û 2254 axivî.
Û Elmislit pesnê rola Almanya ya erênî di pirosesa siyasî de da, û pêwîstiya berdewamkirina sizayên ku li ser rijêmê hatine sepandin û normalnekirina têkliyan bi rijêmê re.
Û Serokê Desteya Danûstandinê Bedir Camûs li ser pêwîstiya pêkanîna veguhastina siyasî li Sûriyê yaku gewherê pirosesa siyasî ye axivî, û tekezî li ser pêwîstiya pêşdebirina vê pirosesê daku gelê Sûriyê azadî û rûmeta xwe bi dest bixe kir.
Ji aliyê xwe ve Emîndarê Giştî yê Hevbendiyê Heysem Rehmê, tekez kir ku rijêmê di hemû boneyan de nemaze di hevdîtinên Komîteya Destûrî de bi dirêjiya heşt xolan, çesipand ku rijêm di cîbicîkirina biryara navdewletî 2254an de ne cidîye, û ew çareya siyasî naxwaze, û cext kir ku rijêmê ji ber nekarîna wê ya çareya leşkerî, radestkirina welat bo Rûsiya û Îranê hilbijart, û ew bê rewayî û bê serwerî maye.
Û Cîgirê Serokê Hevbendiya Niştimanî Ebdilehed Istêfo, tekez kir ku sedema jikarxistina siyasî ya berdewam jiserxweçûn û pozbilindiya rijêmê û reva wê ji mafên li gor biryarên navdewletî ye.
Û amadebûyan di axaftinên xwe de giringî dan rewşa deverên rizgarkirî û pêwîstiya bihêzkirina Hikûmeta Sûrî ya Demkî di rêvebirina deverê de, û bilindkirina asta xizmetguzariyan, her weha çakkirina ketwarê jiyana nişteciyan.
Jêder: Ofîsa Ragihandinê ya Hevbendiya Niştimanî ya Sûrî
