Daxwiyaniyeke Rojnamevanî
Hevbendiya Niştimanî ya Sûrî, destdanîna Rusya li ser çar herêmên Okranya (Lugansk, Donetsk, Xerson û Zaporizhia) şermezar dike, û dibîne ku ev yek binpêkirineke eşkere ye ji yasaya navdewletî re, û dijminkariyeke neyasayî ye li ser serweriya Okranya, û rijdiya Rusya li ser berdewamiya êrişa hovane li ser Okraynayê tekez dike.
Kiryarên Rusya piştrast dikin ku ew dewleteke ku rêzê li serweriya dewletan û mafê çarenivîsa gelan nagire, lêbelê hêzê bo guhertina ketwar û rastiyan bikar tîne, wek çawa ku li hemû dewletên ku beşek ji axa wan dagîr kiriye kir.
Referandoma sexte ya ku Rusya pê rabûye û di riya wê re ew herêm bi ser dewleta xwe ve berdane, asta xapandina ku Rusya li Sûriyê û Okranya pêk tîne nîşan dide, û ew jî mîna referandom û hilbijartinên ku hevalbendê wê (rijêma Esed) pêk anîne yên bawerî bi wan nayê ye,.
Hevbendiya Niştimanî daxwaza gemkirina serberdayîbûna Rusya li Sûriya û Okranyê dike, daku jiyana sivîlan ji terora Ruya û hevalbendên wê biparêze, û fişareke zêdetir bike ji bo ku wê ji deverên ku li Okranya dagîr kirine derbixe, û kar li ser mîkanîzmekê ji bo bidawîkirina hebûna wê ya leşkerî li Sûriyê bike, û karînên navdewletî yên ku Rusya di Encûmena Ewlekariyê de sûdê jê werdigire jê bikşîne, daku pirsgirêkên navdewletî yên girêdayî wê çareser bike.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
2 cotmeh 2022
