Hevbendiya Niştimanî ya Sûrî, destdanîna Rusya li ser çar herêmên Okranya (Lugansk, Donetsk, Xerson û Zaporizhia) şermezar kir, û dît ku ev yek binpêkirineke eşkere ye ji yasaya navdewletî re, û dijminkariyeke neyasayî ye li ser serweriya Okranyayê, û rijdiya Rusya li ser berdewamiya êrişa hovane li ser Okraynayê tekez dike.
Û Hevbendiya Niştimanî di daxwiyaniyeke xwe de got ku Kiryarên Rusya piştrast dikin ku ew dewleteke ku rêzê li serweriya dewletan û mafê çarenivîsa gelan nagire, lêbelê hêzê bo guhertina ketwar û rastiyan bikar tîne, wek çawa ku li hemû dewletên ku beşek ji axa wan dagîr kiriye kir.
Û daxwiyaniya Hevbendiya Niştimanî got ku referandoma sexte ya ku Rusya pê rabûye û di riya wê re ew herêm bi ser dewleta xwe ve berdane, asta xapandina ku Rusya li Sûriyê û Okranya pêk tîne nîşan dide, û ew jî mîna referandom û hilbijartinên ku hevalbendê wê (rijêma Esed) pêk anîne, yên bawerî bi wan nayê ye.
Û daxwiyaniya Hevbendiya Niştimanî bal kişand ser pêwîstiya gemkirina serberdayîbûna Rusya li Sûriya û Okranyê, daku jiyana sivîlan ji terora Ruya û hevalbendên wê biparêze.
Û Hevbendiya Niştimanî daxwaza fişareke zêdetir kir ji bo ku wê ji deverên ku li Okranya dagîr kirine derbixe, û kar li ser mîkanîzmekê ji bo bidawîkirina hebûna wê ya leşkerî li Sûriyê bike, û karînên navdewletî yên ku Rusya di Encûmena Ewlekariyê de sûdê jê werdigire jê bikşîne, daku pirsgirêkên navdewletî yên girêdayî wê çareser bike.
Jêder: Ofîsa Ragihandinê ya Hevbendiya Niştimanî ya Sûrî
