Giropa kar ji bo Filistîniyên Sûriyê, eşkere kir ku derbider û koçerên Filistînî ditirsin vegerin malên xwe yên li deverên di bin destê rijêma Esed de, ji ber sedemên ewlekarî yên ku jiyana wan dixe bin gefê û malbatên wan dixin metirsiyê.
Û Giropa Kar diyar kir ku girtina ji aliyê dezgehên ewlekarî yên rijêmê ve tirsa herî berçav e li bal Filistîniyên Sûriyê, ji ber gelek sedeman wek beşdariya wan di şoreşa Sûriyê de, yan jî yek ji xizmên wan girtî ye, yan jî ji aliyê dezgehên ewlekariyê ve têne xwestin, ji bilî leşkeriya neçar di Artêşa Rizgariya Felestînê de ya bi ser rijêma Esed ve, yaku ciwanan dixe bin gefê de dema ku digihêjin temenê 18 saliyê.
Û rapirsînên li nav Filestîniyên Sûrî li Libnanê çêbûn, diyar kirin ku 538 malbatên ku ketine rapirsînê de ji ber metirsiyên li ser wan nikarin vegerin, û 350 malbatên ku endamek an yek ji xizmên wan li Sûriyê girtî hene, û 188 malbat ji ber metirsiya leşkerkirina bi darê zorê venagerin.
Û Giropa Kar got ku di rapirsîneke ku wê di demeke berê de pêk anîbû, 29% ji yên ku pirsa vegerê ji wan hatiye pirsîn, red kirin ku vegerin Kampa Yermok, û Giropa Kar bal kişand ser ku bi hezaran filistîniyên ku koçberî bakurê Sûriyê, Urdun, Misir û Tirkiyê bûne ji aliyê rijêmê ve têne xwestin.
Û Giropa Kar girtina zêdetir ji 15 penaberên Filistînî li ser xalên sînorî yan li firokxaneya Şamê piştî vegera wan bo Sûriyê şopand, û got ku hîn hinek ji wan di rewşa binçavkirina kotekî de ne, û rijêm çarenivîsa wan vedişêre, her weha Giropa Kar girtina hejmarek ji filistîniyên ku lihevkirin bi amûrên ewlekariyê re îmze kirine, belge kiriye.
Jêder: Ofîsa Ragihandinê ya Hevbendiya Niştimanî ya Sûrî
