“Rêxistina Lêkolînên Xêrxwaziyê” ya brîtanî, di vekolînekê de diyar kir, ku Rusya bi mebest deverên sivîlan li Sûriya û Okrayna armanc dike, û amaje bi wê yekê kir ku 98% ji qurbaniyên êrîşên Rusya ne şervan in.
Û Rêxistinê di vekolînê de eşkere kir ku 84% ji operasyonên leşkerî yên Rusya di deh salên bûrî de bajarok û bajarên ku nifûsa wan bilind bûn armanc dikirin, û di wan operasyonan de bêhtir ji 15,400 kesî kuştine, û dît ku tundûtûjiya ku Rusya destûrê dide xwe ku pêk bîne, ji ya ku di vekolînê de hatiye mezintir e.
Û vekolînê bal kişand ser ku di dema navbera 2012 û 2022an de, 12,2 hezar qurbaniyên wê yên sivîl hebûn, 7 hezar ji wan welatiyên Sûrî bûn, û ji nîvê wan zêdetir li Idlibê bûn, û vekolînê eşkere kir ku Rusya 1477 carî çekên teqîner li deverên nişteciyan bikar anîne, û bûye sedema kuştina bêhtir ji 11 hezar kesên sivîl.
Û berî bi demekê Rêxistina Berevaniya Sivîl ya Sûrî, di raportekê de anîbû ziman ku zêdetir ji 12 hezar sivîl, 4 hezar zarok di nav wan de hene, bûne qurbaniyên destwerdana Rusya li Sûriyê di dema heft salên bûrî de.
Û Ji aliyê xwe ve, Hevbendiya Niştimanî ya Sûrî tekez kir ku Rusya bi hezaran komkujî li Sûriyê pêk anîne, û biryarên Encûmena Ewlekariyê yên ji bo sizakirina rijêma Esed li ser tawanên ku pêk anîne bi dirêjiya salan asteng kirin, û Hevbendiyê bal kişand ser wê yekê ku xemsariya civaka navdewletî bû sedema berdewamiya Rusya di zordariya xwe de û hişt ku ezmûna xwe ya wêranker û xwînrêjî ji Sûriyê veguhêze Okraynayê.
Û Hevbendiya Niştimanî daxwaz ji civaka navdewletî kir ku mîkanîzmeke kartêker bibîne, di riya rêgirtina li Rusya û hêzên wê re, daku jiyana sivîlan li Sûriyê biparêze, û pêşvebirina proseya veguhestina siyasî ji bo bidawîanîna derdeseriyên mirovî misoger bibe, û hêviyên gelê Sûrî di azadî û rûmet û demoqrasiyê de pêk werin.
Jêder: Ofîsa Ragihandinê ya Hevbendiya Niştimanî ya Sûrî
