Emîndarê Giştî yê Hevbendiya Niştimanî ya Sûrî Heysem Rehmê, binpêkirinên berdewam yên Rusya li dijî deverên rizgarkirî, yên ku berî her civînekê dubere dibin daku fişarê di riya derdeseriyên sivîlên bêguneh re bike, şermezar kir, ji ber ku gera nozdemîn ji civînên Astana dê sibê were lidarxistin.
Û Rehmê tekez kir ku êrîşên Asmanî yên Rusya îro li ser sînorê herêma Babisqa binpêkirineke nû ye, û nîşaneke metirsîdar e, û pêngaveke Rusyayê ber bi gurkirinê de ye, û bal kişand ser ku ev gurkirin hevdem bû li gel armancikrina deverên rizgarkirî û deverên Tirkityê ji hêla milîsên PYDe ve, yaku di encamê de sivîl hatine kuştin û birîndar bûne, û diyar kir ku armancên van hêzên tawankar heman armanc in.
Û di vê çarçoveyê de, Emîndarê Giştî yê Hevbendiyê got: “Bawerî bi ti rêkeftin û sozên Rusiya nayê, û nameyên xwîndar yên ku bi berdewamî dişîne, nebûna baweriya wê bi ti çareseriyeke siyasî nîşan dide” û got: ” kiryarên tawankar yên Rusya Piştî binpêkirinên dubare yên li Okrayna eşkere bûne.”
Û Rehmê -yê ku dê sibehê li gel şanda hêzên leşkerî yên şoreşê di civîna Astana de beşdar bibe- got ku berdewamiya tawankariya rijêma Esed û hevalbendên wê û binpêkirinên berdewam ji agirbestê re û armanckirina deverên sivîl û kampan, hemû rê li ber her hewleke siyasî ya ku çareseriyeke siyasî pêk bîne, digire.
Û Rehmê hişyarî da ji berdewamiya astengkirina rijêma Esed ji her tiştê girêdayî bi piroseya siyasî re, nemaze di dosyaya girtiyan de, û binpêkirinên wê ji piransîpên bingehîn yên mafên mirovan re, ji ber ku bisedhezaran Sûrî hîn di zindanên wê de ne, yên ku bi navê “qesabxaneyên mirovan” têne naskirin, û têde rastî îşkenceyên curbecur tên, ya ku di gelek caran de dibe sedema mirina girtiyan.
Û Rehmê tekez kir ku pêwîst e teror li Sûriyê were jinavbirin, û di serî de terorîstiya rijêma Esed û hevalbendên wê û milîsên cudaxwaz yên ku bi wê re hevkariyê dikin.
Jêder: Ofîsa Ragihandinê ya Hevbendiya Niştimanî ya Sûrî
