Saziya Hevrêzkarên Bersivdanê ya Sûriyê, ji civaka navdewletî û Netewên Yekbûyî xwest ku berpirsiyariya xwe ya mirovî û sincî bi awayekî tam di ber bêhtir ji 4 milyon sivîlên derbider de yên hewcedarên alîkariyên mirovî ne hilgirin.
Û Hevrêzkarên Bersivdanê îro di daxwiyaniyekê de gotin ku bêtir ji 4.5 milyon sivîl di nav de 1.8 milyon derbiderên ku li kampên bakurê rojavayê Sûriyê dijîn, bêdeng bendewarên çarenivîsa xwe ne, yaku ji 10ê Çilê Paşî de dest pê dike, ji bo nûkirina biryara navdewletî ya derbaskirina alîkariyên mirovî di riya xalên sînorî re.
Û daxwiyaniyê got ku “Di van kampên mişt derbider de li bakur û rojavayê Sûriyê, bihezaran sivîl li benda biryareke çarenûsî ne, daku alîkariyên mirovî di sînoran re derbas bibin, di heyama kêmtir ji rojekê de ku dê têde dengdanê li ser biryara nû pêk bînin.”
Û daxwiyaniyê bal kişand ser ku “Di nav xelkên van kampan de, zêdetir ji 67.3% derdeseriya kêmbûna avê, û zêdetir ji 56.1% derdeseriya bêewlehiya xwarinê dikşînin, her weha bilindbûna mezin û berdewam di nirxê keresteyên xwarinê de, û bi hezaran malbat ketine binya sînorê xizaniyê di dema alozbûna kirîza mirovî li deverê.
Û daxwiyaniya Hevrêzkarên Bersivdanê ya Sûrî, daxwaz ji civaka navdewletî û Netewên Yekbûyî kir ku di cîbicîkirina biryarên navdewletî yên pêwendîdar de berdewam bin, û rê li ber hewlên birîna alîkariyên mirovî di xalên sînorî re bigrin.
Û ji aliyê xwe ve Hevbendiya Niştimanî duh nameyek arasteyî Emîndarê giştî yê Netewên Yekbûyî û Serokê Encûmena Ewlekariyê kir, derbarê pêwîstiya dirêjkirina biryara Encûmena Ewlekariyê û mîkanîzma derbaskirina alîkariyên mirovî di riya sînoran re, an jî mîkanîzmeke berdêl yaku dawiyê li bikaranîna Rusya ya berdewam ji dosya mirovahî re bîne peyda bibe.
Û Hevbendiya Niştimanî tekezî li ser pêwîstiya zêdekirin û berfirehkirina çarçoveya alîkariyên mirovî kir, ji bo dabînkirina pêdiviyên sereke û yên awarte di warên bicîbûn, xwarin, perwerde, tenduristî û xizmetguzariyê de, ji derbider û nişteciyên wan deveran re, û daxwaza piştgiriya bizavên riya proseya siyasî ji bo bidestxistina veguhertineke siyasî ya tam û cîbicîkirina biryara 2254 kir.
Jêder: Ofîsa Ragihandinê ya Hevbendiya Niştimanî ya Sûrî
