Endamê Hevbendiya Niştimanî ya Sûrî Mihemed Elhemdo, got ku wan hejmarek çadirên mezin li bajarê Til Ebyed û devera Eyn Elerûs li gundewarê Reqayê ava kirine, da ku hejmarek mezin ji xelkê ku ziyan gihaye malên wan ji encama erdheja wêranker ya ku danê sibê roja duşemê li Tirkiye û Sûriyê rûdaye bihêwirîne.
Û Elhemdo amaje bi wê yekê kir ku ew li ser kar û bersivdayînê berdewam in, lê pêwîstiya wan a lezgîn bi tîmên rizgarkirinê yên navdewletî li bakurê rojavayê welêt ji bo rizgarkirina kesên asê mane heye.
Û Endamê Hevbendiya Niştimanî ya Sûrî Heysem Elşihabî, diyar kir ku wan bi hevkariya li gel encûmenên xwecihî û xelkê deverê hejmarek penagehên demkî li çend deveran li bajarê Babê li gundewarê Helebê amade kirine, û ya herî girîng di nav wan penagehan de bazara Elhal û Mizgefta Omer li nêzîkî navenda polîsên leşkerî ye, her weha çend cihên din jî hene.
Û Elşihabî anî ziman ku qebareya bobelatê mezin e, û pêwîstî bi bizavên hevbeş heye ji bo rizgarkirina qurbaniyan û alîkirina xelkê da ku vê bobelata dijwar derbas bikin.
Jêder: Ofîsa Ragihandinê ya Hevbendiya Niştimanî ya Sûrî
