Daxwiyaniyeke Rojnamevanî
Dehemîn salvegera yek ji tawanên herî hovane û xwînrêj û mezhebî yên rijêma Esed di vê hefteyê de ye, rijêma ku di sê rojan de ji 2ê gulanê ve komkujiya Elbeyda û Baniyas dermafê sivîlên bêçek li wê deverê pêk anî, ji ber tevlîbûna wan di xwepêşandanên aştiyane de û daxwazkirina azadiyê.
Aliyên mafnasî şehîdbûna 459 sivîlên ku bidehan zarok û jin di nav wan de hebûn, yên ku di êrîşên hêzên Esed û nandoz û milîsên Hizbullah ên tirorist de bi kêr û tivingan û lêdana keviran hatin kuştin, her weha şewitandin û lîstina bi termên qurbaniyan, piştî ku hêzên rijêma Esed dever dorpêç kir, û eletrîk û têlên pêwendiyan birîn, da tewana xwe pêk bîne, belge kirin.
Komkujiya Elbeyda û Baniyas yek ji dosyake berfireh a tawanên rijêma Esed û hevalbendên wê ye, û ev tawan bi derbasbûna demê re tune nabe nayê jibîrkirin, û komkujiyên bi vî rengî sedemeke eşkere ye bo zanîna metirsiya vegerandina penaberan bo deverên di bin kontirola rijêma Esed de, çimkê ew penaber dê heman çarenûsê bibînin, ji ber ku tawankarê komkujiyê hîna li ser desthilatê ye.
Hevbendiya Niştimanî tekez dike ku rijêma Esed, xwediya komkujiyên Elbeyda, Baniyas û Çala Taxa Eltedamun û tawanên kîmawî, metirsiya herî mezin e li ser Sûriya û gelê wê û dewletên bira û dost.
Hevbendiya Niştimanî ya Sûrî, ji Emerîkayê û civaka navdewletî bi giştî daxwaza hewildana cidî û kar li gorî mîkanîzmeke demnîşankirî bo sizakirina rijêma Esed û karkirina ji bo pêkanîna veguhastina siyasî dike, û hişyariyê dide ku daxwiyanî û tiwît têra çareseriyê nake, û ne jî sûde jê heye bi rijêmeke mîna rijêma Esed re.
Dilovanî ji pakrewanan re
Serkeftin ji şoreşa Sûrî ya gewre re.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
03 gulan 2023
