Serokê Hevbendiya Niştimanî ya Sûrî Salim Elmislit, nameyeke pîrozbahiyê arasteyî berpirsê Rêxistina Asûrî ya Demoqratîk Gebriyêl Mûşê Gewriyê kir, bo serkeftina xebatên kongirê giştî yê çardemîn ê rêxistina wan, yê li baregeha rêxistinê li bajarê Qamişlo li dar ket.
Û Elmislit tekez kir ku Hevbendiya Niştimanî di tevaya qonaxan de pir guhdara pêşxistina pêwendî û hevkarî û hevrêziya li gel hemû pêkhatên Sûrî bû, bi heman giringîdana bihêzkirina têkliyan li gel rêxistina Asûrî ya Demoqratîk, her weha piştgiriya pêkhatê Suryanî-Asorî weke pêkhateke resen û hevpişikekî xwezayî û perçeyekî girîng ji civaka Sûriyê.
Û Elmislit tekez kir ku Hevbendiya Niştimanî pir guh dide têkiliya li gel Rêxistina Asûrî ya Demoqratîk ji bo xurtkirina têgihiştin û pêşxistina karê hevbeş berve standina helwestên yekrêz û avakar ji Sûriyê pêşeroja wê re.
Û Elmislit cextî li ser pêwîstiya rawestana tevaya xelkê Sûriyê dest bi dest bo pêkanîna tiştên ku şoreşê xwestine wek azadî û rûmetê kir, da ku mafê tevaya sûriyan bê parastin, û rizgariya ji zordarî û çewsandinê misoger bibe.
Û Elmislit hêviyên xwe anîn ziman ku ev kongir bibe pêngaveke girîng ji bo doz û berjewendiya gelê Sûriyê bi hemû pêkhatên wî ve, û derfetek bo hevkariya berve nerîneke yekrêz be bo pêkanîna armancên gelê me di azadî û rûmet û avakirina dewleteke demoqratîk û piralî de, li ser pirensîpa hemwelatbûna wekhev, û yekrêzî û hevgirtina gelê Sûriyê û yekbûna xaka wê û mafê tevaya sûriyan bi hemû netew û ol û mezhebên wê ve biparêze.
Jêder: Ofîsa Ragihandinê ya Hevbendiya Niştimanî ya Sûrî