Desteya Siyasî ya Hevbendiya Niştimanî ya Sûrî, îro pêncşemê, civîna xwe ya rolane li dar xist, û têde li ser pêşhatên meydanî û siyasî di dosya Sûriyê de, û kar û çalakiyên ku saziyên cîbicîkar bi serpereştiya Hikûmeta Sûrî ya Demkî li Sûriyê ji bo başkirina şert û mercên deverên rizgarkirî dikin, axivî.
Û Cîgira Serok Dîma Mûsa behsa encamên civîna li gel Şanda Amerîka û Fransayê kir, yên ku têde tekezî li ser giringiya piştgiriya navdewletî ji Hevbendiyê re ji bo xurtkirina karê wê û saziyên wê û rola wê ya siyasî kiribûn, û di heman warî de Mûsa li ser civîna Desteya Danûstandinê ya ku dê li Cinêvê di herdû rojên 17 û 18ê heyva niha de li dar bikeve, axivî.
Û Mûsa behsa beşdarbûna xwe ya di Kongirê Lahayê de kir, yê ku têde jinên ji curbecur dewletên cîhanê, yên ku beşdarî di piroseyên nivîsandina destûran de kirine û dikin amade bûn, û giranî dan mijara “Çavkaniyên xwezayî di Destûrên Bingehîn de”.
Û Mûsa kurteşiroveyek li ser beşdarbûna xwe di kongirê Berlînê de yê li ser encamên pêngavên nêzîkbûna ber bi rijêma Esed de, û waneyên ku sûde ji wan tên wergirtin pêşkêş kir, û got ku waneya herî giring ew bû ku divê çareserî li Sûriyê ne li ser bingeha perçe-destpêşxeriyan be, û ev yek hewcedarî bizaveke hevbeş ji civaka navdewletî bi giştî ye, û hêzên şoreş û rikberiyê jî beşek jê bin, da rewşê bigihînin çareseriyeke siyasî ya tam.
Û piştre Cîgirê Serok Ebdulhekîm Beşar, kurteşiroveyek li ser beşdarbûna xwe di hevdîtinekê de, li Braga Paytexta Komara Çek, bi hevaltiya Endamê Desteya Siyasî Ebdullah Gedo û endamê Hevbendiya Niştimanî Nezîr Hekîm, derbarê rewşa devera rojhilatê Ferêt û dosya Sûrî bi giştî li dar ketibû, pêşkêş kir.
Û Cîgirê Serok bal kişand ser ku endamên Hevbendiyê yên di civînê de beşdar, li ser ketwarê meydanî û giringtirîn kêşên ku gengaze kar li ser bê kirin axivîn, û tekezî li ser giringiya pêşxistina şiyanên xelkê deverê kirin, ji bo rêvebirina devera xwe bikin, dûrî kontrolkirina aliyên girêdayî bi rêkxistinên terorîstî yên ne Sûrî ve, û giringiya ku çareseriya li Sûriyê giştgîr û li ser bingeha biryarên navdewletî yên pêwendîdar be, û di serî de biryara Encûmena Ewlekariyê 2254.
Û Hevrêzkarê Ofîsa Hevbendiya Niştimanî li bajarê Gazîentabê Mihemed Elşemalî, raporek li ser karê ofîsê li bajêr û bizavên wan ên şopandina kêşeyên Sûriyan li Îyaletê pêşkêş kir.
Û Elşemalî li ser hevdîtinên ku Ofîsê û û kesayetên rayedar ên Sûrî li gel Walî û Rêveberê Koçberan li Îyaletê ji bo çareserkirina pirsgirêkên Sûriyan axivî, û bal kişand ser rola Ofîsê di alîkariya nexweşên ku ji deverên rizgarkirî bo nexweşxaneyên Tirkiyê hatine şandin.
Jêder: Ofîsa Ragihandinê ya Hevbendiya Niştimanî ya Sûrî
