Bader Camûs, endamê desteya siyasî ya Hevbendiya Niştimanî ya hêzên şoreş û rikberiya Sûriyê, xemgînbûna xwe diyar kir li hember şert û mercên dijwar yên jiyana xelkê Sûryê, nemaze yên di bin destê rejîma Esed de, hevdem ligel daketina bihayê lîra Sûrî di bazarên cîhanê de, û tekez kir ku çareseriya siyasî ya daddar û vegera malbatên sûrî yên koçberkirî; wê derî li pêş rakirina sizayan û vegera pereyên koçber û koçberan veke, ji bo avakirina Sûriyayek daddar û azad.
Camûs, îro roja pêncşemê di daxuyaniyek taybet de got ku rêjîma Esed hêj siyasetek xirab û rizî li hember bazarên Sûrî heye, nemaze di warê pêşgirtina bazirganiya diravên biyanî, û vê lîra sûrî gihande asta herî nizim di dîroka wê de.
Herweha got ku vê peyabûna nirxê pereyên sûrî hişt keresteyên xwecihî û yên hawirdekirî li bazarên Sûriyê bi giştî bigihên bihabûneke bêhempa, ku bandorek neyînî li karîna kirînê ya xwedanên mûçeyên navînî û komên herî belengaz kir, ku mûçeya karmendên hukûmetê tenê di rojê de 2 dolar e, û bal kişand ku di heman demê de mal û milkê karbidestên rejîmê pirtir dibe di riya keysanîna ji xelkê û diziya malê giştî û yê taybet.
Camûs tekez kir ku rejîm berpirsa sereke ye di ber daketina bihayê lîreyê û paşketina aboriya Sûrî de, û dît ku sedema vê yekê xerçkirina mezin a diravên biyanî ye, di operasyonên leşkerî de yên li dijî gelê Sûriyê, û Banka Navendî diyar kir ku paşketina diravên biyanî li rex wê ji 20 mîlyar dolarên Amerîkî gihişte bi tenê 700 milyon dolarî.
Û bal kişand ser ku tê texmînkirin enflasyona aboriya Sûrî berdewam be, bi sedema berdewamiya rejîmê li ser siyaseta jinavbirina binesaziyê û koçberkirina mirovên Sûriyê, û hemberî vê yekê, rêjîma Esed guh nade aboriyê û hewcedariya bazarê ji diravê biyanî re, û hêjî pişta xwe bi çareseriya leşkerî ya xwîndar germ dike, û di jinavbirina dahatên welêt de berdewam e.
Jêder: Ofîsa Ragihandina Hevbendiya Niştimanî Sûrî
