Endamê Desteya Siyasî ya Hevbendiya Niştîmaniya Hêzên Şoreş û Dijberiya Sûriyê ‘Usama Tilco” got ku:” Her kesê ji hêzên rêjîma Esed yên ku li Helebê şer dikin, xwe radest bike, dê şoreşvan wan efû bikin”, niha li Helebê şer û pevçûnên giran hene di çarçoveya şerê “Dastana Mezin” de, ji bo rakirina dorpêça li ser taxên dorpêçkirî, û azadkirina tevahiya bajêr.
Tilco, nûnerê tevgera leşkerî ya Helebê di nav Hevbendiyê de, di lêdwaneke taybet de îro, roja Sêşemê lêzêde kir ku fesîleyên leşkerî xemxurên saxlemiya hemû sivîlên Helebê ne, û piştî kontrolkirina devera “Projeya 1070 Avahî” doh êvarî, hejmarek ji malbatan birin deverên aram.
Tilco destnîşan kir ku fesîleyên leşkerî, û bi hevkariya Encumena Xwecihî ya parêzgeha Helebê, dê parastina tevahiya avahiyên sivîl û baregehên tenduristî bikin, û dûbare -vegerandina wê li jêr desthilata Hikûmeta Sûriyê ya Demkî, ji bo dûbare-aktîvkirina xizmetguzariyên wê ji nişteciyên bajêr e.
Endamê Desteya Siyasî destnîşan kir ku fesîleyên leşkerî li Helebê, hemû tedbîran distînin ji bo parastina sivîlan û dûrkirina wan ji şer, û tenê armanckirina baregehên hêzên rêjîma Esed û milîsên biyanî dikin.
Ji du rojan de, Şoreşvan şer û pevçûnên giran li Helebê dikin, di çarçoveya şerê bi navê “Dastana Helebê” ji bo rakirina dorpêça li ser taxên dorpêçkirî ji aliyê hêzên rêjîma Esed, û milîsên ku li kêleka wê şer dikin ji destpêka vê mehê de, herwiha ji aliyê xwe ve zarokên bajêr dûlabên otombîlan şewitandin, da ku dîtin li pêşiya balafirên Rûsya û rêjîma Esed bête girtin.
Jêder: Hevbendî