Cîgirê Serokê Hevbendiya Niştimanî ya Sûrî Ebdulmecîd Berekat, tekez kir ko divê endamên Encûmena Ewlekariyê bi lez û bez gotûbêjê li ser mîkanîzma aktîvkirina pirosesa siyasî li Sûriyê bikin, û gavên neçarkirinê ji rêjîma Esed re destnîşan bikin da ku tevlî pêvajoyê bi awayekî erênî bibe da biryara navdewletî ya 2254 cîbicî bikin, û desteyek rêveberî ya veguhêz ya dê Sûriyê ji metirsiyê rizgar bike ava bike.
Berekat di daxuyaniyeke rojnamevanî de amaje bi wê yekê kir ku Beşar Esed di rewşeke şîzofreniyê de dijî û berdewam behaneyên pûç û derewên berdewam derbarê girûpên terrorist ku êdî ti kes pê nayê xapandin pêşkêş bike, û ji her kesî re eşkere bûye ku kî sponseriya milîsên Îranê û milîsên Hizbullaha tirorist dike, û kî sivîlan û navendên sivîl bombebaran dike, bi taybetî vê dawiyê li Helebê.
Berekat tekez kir ku operasiyonên leşkerî dijî terora hêzên Esed, milîsên Îranî û milîsên Hizbullaha tirorist in, ên ji berî zêdetir ji 13 salan de berdewam in, ji ber ku ev operasiyon hewl didin operesyonên bombebarankirinê rawestînin û vegera derbideran hêsan bikin, û penaber ber bi deverên xwe yên resen ve diçin, her weha pêşdebirina pêvajoya siyasî ji bo cîbicîkirina biryarên taybet bi Sûriyê.
Berekat bal kişand ser wê yekê ku gelê Sûriyê îro hemû yekdeng in û li ser girîngiya derbasbûna qonaxeke nû ya ku dê dawî li êş û derdên wan bîne hemfikir in, û hêviya ku ev demeke dirêj e tê çaverêkirin peyda dike ji encama serhişkiya rejîmê û redkirina wê ji çareseriya siyasî re û pêdagiriya wê bi danûstandina leşkerî ya xwînrêj û piştgîriya wê ji milîsên mezhebî yên Îranî û milîsên Hizbullah re.
Berekat diyar kir ku herêmên ku nû hatine rizgarkirin bi awayekî rêkûpêk tên birêvebirin, li gor peymanên hemû aliyên ku beşdarî operasyona leşkerî bûne û li ser li hev kirine, û daxwaza rêzgirtina li mafên hemû sivîlan ji hemû mezheb, nijad û olan, parastina saziyên dewletê kir û bi awayekî mirovane serederiyê bi serbazên rêjîmê yên girtî re bike ji bo misogerkirina veqetîna efser û endamên hêzên rêjîmê.
Jêder: Ofîsa Ragihandinê ya Hevbendiya Niştimanî ya Sûrî
