Berekat pêşwaziyê li cezayên Amerîkayê yên ji bo danîna sînorekî ji çalakiyên rejîma Esed û Îranê re li herêmê dike

Cîgirê Serokê Hevbendiya Niştimanî ya Sûrî Ebdulmecîd Berekat, pêşwazî li sizayên nû yên Amerîkî kir, ew sizayên dijî kompaniyên bazirganî yên ku piştgiriya çalakiyên rêjîma Esed û Îranê dikin ji bo têkdana ewlehî û aramiyê li Sûriyê û deverê.
Di daxuyaniyeke rojnamevanî de, Berekat tekezî li ser giringiya sepandina sizayên zêdetir li ser rêjîma Esed, Îran û sazî û kompaniyên girêdayî wan kir, ji bo têkdana kiryarên wan ên xerab li herêmê da nehêlin pereyan ji bo gerandina makîna xwe ya leşkerî bi dest bixînin.
Û bal kişand ser wê yekê ku pêwîst e pêvajoya sizayan rasterasttir be li ser saziyên bingehîn ên ku piştgiriya rejîmê dikin û nehêlin bandor li jiyana welatiyan bibe, û hevdem be ligel siza û tedbîrên siyasî ku xizmeta aktîvkirina proseya siyasî û cîbicîkirina biryarên navdewletî bikin û pirsgirêka Sûriyê bi riya daxwiyaniya Cinêvê û biryarên 2118 û 2254 çareser bikin.
Duh, pêncşemê, Wezareta Xizînedariya Amerîkayê siza li ser kompanya“El-Qatercî”û kes û gemiyên girêdayî kompaniya ku ji rejîma Esed re kar dike sepandin, ji ber piştgîriya wan ji milîsên pasdarên Şoreşa Îranê û Hûsiyên terrorist re.
Wezaretê di daxuyaniyekê de got ku sizayan nêzîkî 26 kompanî, kes û keştiyên girêdayî kompaniya El-Qatercî kirine armanc, û da zanîn ku ew bûne faktera peydakirina bi sedan milyon dolar wek dahatê bo berjewendiya milîsên terorîst bi rêya firotina petrola Îranê ji rejîma Esed û Çînê re.
Di vê çarçoveyê de, berpirsê Wezareta Xezînedariya Amerîkayê, Bradley Smith got: Îran pişta xwe bi hevkarên sereke yên bazirganiyê yên weke kompaniya “El-Qatercî” rast dike, ji bo fînansekirina çalakiyên xwe yên nehiştina aramiyê, û bûye sîwanek ji bo wan kesên navgîn ên terrorist li deverê.
Jêder: Ofîsa Ragihandinê ya Hevbendiya Niştimanî ya Sûrî