Cîgirê Serokê Hevbendiya Niştimanî ya Sûrî Ebdulmecîd Berekat, tekez kir ko rêjîma Esed, ji ber rûxandina hêzên wê, niha kampaniyeke berfireh a girtinê li navçeyên di bin kontrola xwe de dijî ciwan, xwendekarên zanîngehê û zarokan birêve dibe, wan bi zorê dike leşker û wan davêje eniyên şer ên pêşîn bêyî ku zanibin çekan bikar bînin.
Berekat di daxuyaniyeke rojnamevanî de amaje bi wê yekê kir ku rêjîma Esed red dike ku tawanên xwe rawestîne û rijandina xwîna Sûriyan bi dawî bike, û sûr e li ser kuştinê û pêkanîna tawanên zêdetir li dijî sivîlan, û hişyarî da ku welat li ber hilweşînê ye.
Berekat matmayîbûna xwe li hember helwesta civaka navdewletî diyar kir, ku hîna jî bê helwest e, û daxwaza aktîvkirina proseya siyasî kir û karkirina li ser cîbicîkirina tam ji biryarên navdewletî yên girêdayî pirsa Sûriyê re, bi taybet daxuyaniya Cinêvê û biryarên 2118 û 2254 kir.
Berekat bang li hemû hêzên leşkerî û endamên rêjîmê kir ku jê veqetin, dev ji çekên xwe berdin, fermanên bombebarankirinê pêk neynin, bi paşeroja Sûriyê bêyî Esed bifikirin, û artêşekê ji bo parastina ax û gelê Sûriyê ava bikin, ne ji bo parastina kesekî stemkar.
Jêder: Ofîsa Ragihandinê ya Hevbendiya Niştimanî ya Sûrî
