Hevbendiya niştimanî ya Sûrî, pîrozbahiyê dide gelê Sûriyê yê gewre, bi boneya rizgarkirina Sûriyê ji destê rêjîma Esed ya tawankar, piştî 14 salan ji şerê aştiyane û çekdarî, hawar û gulleyên ji bo azadî, rûmet, demokrasî, dadmendî û aramiyê. Hevbendiya Niştimanî roja (08.12.2024) ji her salê, weke cejneke niştimanî ji bo Sûriyê ragihand, ji ber ku ew roja serkeftina şehîd û qurbaniyan e, roja serkeftina girtî, penaber û bindestan e, roja serkeftina maf û edaletê li dijî tawan û stemkariyê ye.
Şoreşa Sûriyê ya gewre, bi dehên salan ji zilm û zordariyê şikandin û zayînek nû ji bo Sûriyeya gewre afirand. Em bang li gelê xwe yên li hemû parêzgehên Sûriyê dikin, ku pir guhdarên mal û milk û avahiyên giştî bin, ji ber ku ew yên xelkê ne ne yên rejîma Beşar Esed a terrorist in.
Hevbendiya Niştimanî ji civaka navdewletî re tekez dike ku ew ê li ser karê xwe berdewam be ta temamkirina veguhestina desthilatê bo desteya rêveberî ya veguhêz a xwedan hemû desthilatên cîbicîkar, ji bo gihiştina Sûriyeke azad, demokrat û piralî. Û tekeziyê li ser giringîdana saxlemiya welatên cîran û ewlehî û destêwernedana di kar û barê wan de dike, herweha hêviya avakirina hevbeşiyên stratîjîk li gel dewletên herêmê û yên cîhanê ji bo nûavakirina Sûriyê bo tevaya xelkên wê bi nijad û ol û mezhebên wan ên cuda ve.
Hevbendiya Niştimanî ya Hêzên Şoreşê û Rikberiya Sûrî
Ofîsa Ragihandin û Peywendiyan
08 kanûna pêşîn 2024
