Duh danê sibê, roja yekşemê, li encûmena xwecihî ya bajarê Efrînê li gundewarê Helebê, civînên gera 71emîn a asayî ya Desteya Giştî ya Hevbendiya Niştimanî ya Sûrî hatin lidarxistin, ev civîn bi navê Gera Lîwa Mihemed Elfaris bûn, wek rêzgirtinê ji rola wî ya niştimanî û şoreşgerî re. Civîn bi deqeyek rêzgirtinê û xwendina Fatihê li ser giyanê Elfaris û şehîdên şoreşa Sûriyê dest pê kir.
Paşê, raporên li ser kar û xebatên Serok, cîgirên wî, sekreterê giştî, dezgeh, komîteyên kar, ofîs, nûneratîyên Hevbendiyê û Hikûmeta Demkî ya Sûriyê hatin pêşkêşkirin, paş re Desteyê pêşhatên meydanî û siyasî û rewşa penaberên sûrî û binpêkirinên li dijî wan dibin bi taybetî li Libnanê gotûbêj kirin.
Serokê Hevbendiya Niştimanî Hadî El-Behra, tekezî li ser giringiya guhertinên di sîstema raporên Emîndariya Giştî ya Hevbendiyê de yên ku mehane ji desteya siyasî re tên pêşkêşkirin kir, ji bo bihêzkirina zelaliya rêveberî û darayî, û amaje kir ku ev ezmûn dê li ser hemû saziyên girêdayî Hevbendiyê were bicîanîn ji bo bi heman şêweyî kar bikin û ev yek dê wan kartêkertir bike.
Amadebûyan behsa pêşhatên piroseya siyasî ya astengkirî ji ber redkirina rêjîma Esed ji beşdariya têde kirin, û rola Netewên Yekgirtî û nûnerê wê Geir Pedersen di aktîvkirina wê de û lidarxistina civîneke nû ya Komîteya Destûrî ya Sûriyê diyar kirin.
Amadebûyan bal kişandin ser kêşeyên mezin ên ku penaberên Sûrî rastî wan tên, û pêwîstiya avêtina gavên lezgîn derbarê pêşkêşkirina piştevaniya siyasî û yasayî ji bo dabînkirina parastina wan, û tekezî li ser giringiya hevkariya navdewletî ji bo çareserkirina pirsgirêkên wan kirin. her Her wiha Endamên Desteya Giştî stratejiyên nû yên kartêkertir dema penaber tûşî qeyranan dibin gengeşe kirin, di nav de başkirina hevahengiya di navbera dezgehên xwecihî, herêmî û navdewletî de ji bo bihêzkirina bersivdayînê li hember qeyranên ku rûbirûyê wan dibin, û giringiya gotûbêjkirina planên stratejî yên demdirêj ji bo zêdekirina aramîya jiyana koçber, derbider û penaberan, û tekezî li ser giringiya şopandina berdewam û nûjenkirina planan ji bo bersivdana pêşketinên nû kirin.
Her weha çalakiyên ku ji aliyê nûnerên Hevbendiya Niştimanî ve li gelek welatan hatine lidarxistin hatin nirxandin.
Û civîngeran behsa çlakiyên Girûpên Kar ên Hevbendiyê kirin, û tekezî li ser giringiya gengeşeyên ku Girûpa Kar a Yasayê û Mafên mirovan pêk anîne û pêşinyarên ku amade kirine piştî vekolînkirina hejmarek ji yasayên ku tên cibicîkirin lê ne li gor rewşa niha ya deverên rizgarkirî ne, û êdî cîbicîkirina wan mafan naparêze û divê werin serrastkirin kirin, û tekezî li ser giringiya wan lêkolînên ku hejmarek ji akademisyan û yasanasan beşdarî tê de kirine kirin.
Amadebûyan pirsgirêka derxistina yasayan ji aliyê aliyên cuda ve li navçeyên rizgarkirî, ku rewşek aloz peyda kiriye, gotûbêj kirin, û dîtin ku pêwîstî bi çareseriya bilez heye, ji ber ku divê yasa ji aliyê aliyekî tenê ku nûneratiya desthilata yasadanînê li deverên rizgarkirî dike ve were derxistin. Û Komîteya Yasayî ya Hevbendiya Niştimanî bi hevkarîya ligel Girûpa Karê Yasayî û Mafên Mirovan pêşinyarin amade kirine ji bo civîna desteya giştî ya bê wan gotûbêjê bike.
Beşdaran bal kişandin ser xebatên ku ji aliyê Girûpa Kar a Rêxistinên Civaka Sivîl ve hatine lidarxistin, ku tê de kaxezên xebatê li ser pêşaniyên her yek ji beşên bingehîn ên herêmên rizgarkirî, bi taybetî beşên tenduristî, perwerde, çandinî û pîşesaziyê, hatin temamkirin.
Amadebûyan li rapora derbarê geşepêdana kar û çalakiyên Desteya Jinên Sûriyê, ya ku hejmarek ji civînên xebatê li eyaletên Riha û Gazîentabê yên Tirkiyê her weha li Ezaza Sûriyê li dar xistine, û dest bi pêşxistina planekê kirine ji bo vekirina ofîsên şaxan ku li gor hebûna hejmarên mezin ên jinên sûrî li wan deveran bin, huhdarî kirin.
Jêder: Ofîsa Ragihandinê ya Hevbendiya Niştimanî ya Sûrî
